Hill­billy lærði snemma að ganga um sýn­ing­ar­sali sem sýndu klass­ísk lista­verk með hendur læstar fyrir aftan bak og ein­beit­ingu á að skynja verkin með aug­unum. Upp­lifunin fer svo reyndar í gegnum allan lík­amann; heil­ag­leik­inn og þögnin, hvíslið og skrjáfið.

Nema á opn­unum, þá er glasakliður og líf­legt gjamm.

Á bak­við Skyn­leika standa Ásdís Þula og Björk Hrafns­dóttir. Ásdís rekur gall­er­íið Þulu á Hjarta­torgi og hefur gert svo með sóma í rúm tvö ár. „Skyn­leika-ferlið byrj­aði í raun í lok 2020 þegar ég var nýbúin að hengja upp sýn­ingu á mál­verkum í gall­er­í­inu mínu Þulu og hugs­aði; mikið hlýtur að vera leið­in­legt að fara á svona sýn­ingu ef maður er blindur eða sjón­skertur. Upp úr því fór ég að hugsa hvernig væri hægt að setja saman sýn­ingu þar sem sjónin væri ekki í fyrsta sæti,“ segir Ásdís.

Hún sá fljótt að í þetta verk­efni þyrfti fleiri og Björk …