Gleðilegt ár, kæru vinir! Hér er fyrri aukaspurning á nýju ári:
1. janúar árið 2000 var frumsýnd ný íslensk kvikmynd og skjáskotið hér að ofan er af auglýsingaplakati myndarinnar. Hvaða mynd er þetta?
***
Aðalspurningar:
1. Hver sendi frá sér lagið Læda slæda?
2. Þann 1. janúar árið 1993 var ríki einu í Evrópu skipt upp í tvennt og ólíkt því sem þá gerðist á Balkanskaga, þá fór allt friðsamlega fram. Hvað hétu ríkin tvö sem þá urðu til?
3. Hún er lögfræðingur sem leysir erfið sakamál. Hún hefur — í orði kveðnu — skrifað sjálf margar bækur um ævintýri sína og gerðir hafa verið sjónvarpsþættir um glímu hennar við glæpahyskið. Í rauninni er hún skáldsagnapersóna en enginn veit hver höfundurinn er. Hvað heitir hún?
4. Persónan er leikin af Heiðu Reed í fyrrnefndum sjónvarpsseríum, en hún lék eitt af aðalhlutverkunum í breskri seríu á árunum 2015-2019 sem fjölluðu um karl einn á herragarði á Englandi um 1800. Hvað hét þessi sería sem Heiða lék í?
5. Greifi nokkur fæddist 1. janúar 1967. Hann vinnur nú í sjónvarpinu — og útvarpinu reyndar líka — og tekur þátt í að bera hróður íslenskrar tónlistar út um víða veröld. Hvað heitir hann?
6. Í Tour de France hjólareiðakeppninni er fremsti maður ævinlega í treyju með ákveðnum lit. Hvaða lit?
7. Sérstakri frægeymslu hefur verið komið upp á afskekktum stað til þess að menn hafi aðgang að fræjum nytjajurta ef sérstakar hamfarir útrýma jurtunum á stórum svæðum. Hvar er þessi frægeymslan?
8. Þann 1. janúar 1998 komust þeir Haraldur Örn Ólafsson, Ólafur Örn Haraldsson og Ingþór Bjarnason ... hvert?
9. Árið 1994 hafnaði þjóð nokkur í þjóðaratkvæðagreiðslu aðild að Evrópusambandinu og það reyndar í annað sitt. Hvaða þjóð var þetta?
10. Þrjár aðrar þjóðir samþykktu hins vegar ESB aðild í þjóðaratkvæðagreiðslum sama ár og urðu fullgildir meðlimir að ESB 1. janúar 1995. Hvaða þrjár þjóðir voru það? Til að fá stig þarf að nefna tvær rétt en ef þið hafið allar þrjár, þá fáiði sérstakt 1. janúar stig.
***
Seinni aukaspurning:
Íslenskur myndlistarmaður fæddist 1. janúar 1961 en lést langt fyrir aldur fram 2011. Hér að neðan er nokkuð dæmigerð mynd eftir hann. Hvað hét hann?
***
Svör við aðalspurningum:
1. Prins Póló.
2. Tékkland og Slóvakía.
3. Stella Blómkvist.
4. Poldark.
5. Felix Bergsson.
6. Gulum.
7. Á Svalbarða.
8. Á suðurpólinn.
9. Norðmenn.
10. Þjóðirnar þrjár voru Svíar, Finnar og Austurríkismenn.
***
Svör við aukaspurningum:
Kvikmyndin er Englar alheimsins.
Myndlistarmaðurinn Georg Guðni.
Spurningaþrautin
Fyrri grein
980. spurningaþraut: Þau hefðu orðið 100 ára 2022, ef þau væru ekki öll dáin
Næsta grein
Athugasemdir