Það eru ekki bara kvik­mynda­gerð­ar­fólk, leik­arar og áhorf­endur sem flykkj­ast til litla bæj­ar­ins Cannes á meðan kvik­mynda­há­tíðin stendur yfir á hverju vori. Fyrir utan þau sem koma að fram­leiðslu sjálfra mynd­anna þá mæta einnig þau sem vilja kaupa þær áhuga­verð­ustu og dreifa þeim um heim­inn allan.

Frá Íslandi eru þetta stjórn­endur Bíó Paradís, þær Hrönn Sveins­dóttir fram­kvæmda­stjóri og Ása Bald­urs­dóttir dag­skrár­stjóri. Þær eru fasta­gestir á hátíð­inni og horfa á tugi mynda til þess að geta valið þær sem þeim finnst mik­il­væg­ast að komi fyrir sjónir íslenskra áhorf­enda, sem að öðrum kosti hefðu fá tæki­færi til að ná þeim á hvíta tjald­inu. Um þessar mundir er verið að vinna end­ur­bætur á Bíó Paradís, verið að setja nýtt hljóð­kerfi í stærsta sal­inn og einnig búið að bæta aðgengi fatl­aðra að söl­unum.

Stundin ræddi við Hrönn og Ásu skammt frá hátíð­ar­svæð­inu til þess að kom­ast betur að því hvernig þær velja mynd­irnar fyrir …