31 pró­sent svar­enda sögð­ust jákvæðir gagn­vart sós­í­al­isma í könnun sem MMR gerði fyrir Sós­í­alista­flokk Íslands. 29 pró­sent sögð­ust jákvæðir gagn­vart kap­ít­al­isma.

Könnunin var gerð dag­ana 8. til 14. júlí. Svöruðu 945 ein­stak­lingar og var könn­unin gerð á net­inu. 43 pró­sent svar­enda sögð­ust nei­kvæðir gagn­vart kap­ít­al­isma, en 41 pró­sent nei­kvæðir gagn­vart sós­í­al­isma. Þannig var mjög mjótt á mun­unum.

Þegar litið er til afstöðu eftir kyni kemur hins vegar í ljós að 51 pró­sent kvenna sögð­ust nei­kvæðar gagn­vart kap­ít­al­isma og 41 pró­sent sögð­ust jákvæðar gagn­vart sós­í­al­isma. Þannig virð­ist félags­hyggja njóta mik­illar hylli kvenna umfram kap­ít­al­isma.

Hjá körlum var þessu hins vegar öfugt farið. 37 pró­sent þeirra sögð­ust jákvæðir gagn­vart kap­ít­al­isma og 49 pró­sent þeirra nei­kvæðir gagn­vart sós­í­al­isma. Lítill munur var á afstöð­unni eftir því hvort svar­endur eru búsettir á höf­uð­borg­ar­svæð­inu eða lands­byggð­inni.

Einnig var spurt um afstöðu til nýfrjáls­hyggju. Voru svar­endur afger­andi and­vígir henni. 51 pró­sent sögð­ust nei­kvæðir, en aðeins 13 pró­sent jákvæðir. Var lít­ill munur á körlum og konum að þessu leyti.