Sjón­varps­stöðin N4 á Akureyri hefur unnið dag­skrár­efni fyrir og um Samherja í gegnum tíð­ina, sem hefur verið sýnt á stöð­inni og er nú aðgengi­legt á Youtube. Samherji er óbeinn hlut­hafi í N4 í gegnum útgerð­ina Síld­ar­vinnsl­una og Fjár­fest­ing­ar­fé­lagið Vör ehf. N4 gefur einnig út N4-blaðið og stundar svo eigin fram­leiðslu.

Sumt efnið á N4 hefur verið kostað af Samherja, meðal ann­ars þættir um nýtt fisk­vinnslu­hús útgerð­ar­innar á Dalvík í fyrra, á meðan annað efni, eins og þáttur um rann­sókn Seðla­banka Íslands á Samherja árið 2015, hefur yfir sér yfir­bragð frétta­efnis. 

Þætt­irnir og innslögin sem N4 hefur unnið um Samherja í gegnum árin eru orðin mörg, meðal ann­ars gerði stöðin þátt um það þegar Samherji seldi Afr­íku­út­gerð sína til rúss­nesks útgerð­ar­manns árið 2013. Í því til­felli fór blaða­maður N4 til Kanarí­eyja, þar sem Afr­íku­út­gerðin var gerð út, og gerði innslag um söl­una. Einn af útgangs­punktum þessa innslags var …