Fann fyrir mikilli sektarkennd vegna hinna kvennanna

Ragn­hildur Eik Árna­dóttir kærði undir lok árs­ins 2018 Jóhannes Tryggva Svein­björns­son með­höndl­ara fyrir nauðgun og kyn­ferð­is­lega áreitni sem sam­kvæmt kærunni átti sér í tvígang stað á með­ferð­ar­stofu Jóhann­esar, Postura, sem þá var stað­sett í Bolholti í Reykja­vík. Ragn­hildur er ein fimmtán kvenna sem kærðu Jóhannes fyrir sam­bæri­leg brot við með­höndlun á stoð­kerf­is­vanda. Enn fleiri konur hafa lýst brotum af hendi Jóhann­esar án þess að hafa lagt fram kærur. Í öllum til­fellum lýstu kon­urnar því að Jóhannes hefði strokið kyn­færi þeirra og farið með putta ýmist upp í leggöng eða enda­þarm eða hvort tveggja. Gefin hefur verið út ákæra í fjórum mál­anna en rann­sókn ell­efu mála hefur verið felld niður.

Mál Ragn­hildar er eitt þeirra sem hefur verið felld niður rann­sókn á. Að mati hér­aðs­sak­sókn­ara er fram­burður Ragn­hildar tal­inn trú­verð­ugur, en í mál­inu standi orð hennar gegn orðum Jóhann­esar og annað það sem fram hafi komið við rann­sókn máls­ins nægi …