Breyt­ing­ar­til­laga Oddnýjar Harð­ar­dóttur, þing­manns Sam­fylk­ingar, um að hækka hámark atvinnu­leys­is­bóta í 516 þús­und krónur frá júní út árið, hlaut ekki braut­ar­gengi á Alþingi á fimmtu­dag. Sömu­leiðis var felld til­laga hennar um að gefa náms­mönnum rétt á atvinnu­leys­is­bótum sum­ar­mán­uð­ina þrjá.

Til­lög­urnar voru til breyt­ingar á nýjum aðgerða­pakka rík­is­stjórn­ar­innar til að mæta efna­hags­legum áhrifum COVID-19 far­ald­urs­ins. Annarri umræðu um málið lauk á fimmtu­dag á Alþingi.

Fyrst var kosið um þá til­lögu að hækka hámark atvinnu­leys­is­bóta. Ólafur Þór Gunn­ars­son, þing­maður Vinstri grænna, gerði grein fyrir atkvæði sínu við til­lög­una, einn stjórn­ar­þing­manna. „Það er klár­lega góður hugur á bak við þessar til­lögur,“ sagði hann. „Ég tel hins vegar ekki að það sé tíma­bært að bregð­ast við með þessum hætti akkúrat núna. Hins vegar er ljóst að verði atvinnu­leysið til lengri tíma er þetta eitt­hvað sem við munum þurfa að skoða á síð­ari stigum. En ég segi því nei.“

„Við erum þegar búin að bæta í hvað varðar sum­ar­störf náms­manna“

Næst var kosið um breyt­ing­ar­til­lög­una þess efnis að heim­ila greiðslur atvinnu­leys­is­bóta til náms­manna í sumar. „Við greiðum hér atkvæði um mál sem má segja að sé nokk­urs konar grund­vall­ar­breyt­ing á hugs­un­ar­hætt­inum í atvinnu­leys­is­trygg­inga­kerf­inu,“ sagði Ólafur Þór, þegar hann gerði grein fyrir atkvæði sínu. „Við erum þegar búin að bæta í hvað varðar sum­ar­störf náms­manna. Það hefur þegar verið brugð­ist við með svoköll­uðum sum­ar­lánum fyrir þá náms­menn sem ekki fá vinnu og verða við nám í sumar. Og við treystum á sveit­ar­fé­lögin, eins og þau gerðu í hrun­inu, að bregð­ast við með mynd­ar­legum hætti og skapa störf fyrir náms­menn þannig að ekki þurfi að koma til þess að þau hafi ekki fram­færslu í sumar.“

Þá var einnig felld til­laga Jóns Stein­dórs Valdi­mars­sonar, þing­manns Við­reisnar, þess efnis að lengja í stuðn­ingi við nýsköp­un­ar­fyr­ir­tæki umfram það sem til stendur að gera næstu tvö ár. Sagði Ólafur Þór aftur að ekki væri tíma­bært að gera slíkar breyt­ingar.