Banda­ríska hug­veitan The Heartland Institute, sem hefur lengi dreift boð­skap um afneitun lofts­lags­breyt­inga af manna­völdum þvert gegn vís­inda­legum ráð­legg­ingum, hefur ráðið til sín nítján ára, þýska stúlku sem and­svar við við­vör­unum sænsku ung­lings­stúlkunnar Grétu Thunberg um afleið­ingar ham­fara­hlýn­unar. Stúlkan, Naomi Seibt, hefur verið kölluð „And-Gréta“ í fjöl­miðlum, vegna þess.

Naomi Seibt segir að áhyggjur af lofts­lags­breyt­ingum „haldi okkur í gísl­ingu í okkar eigin heila“. Þá gengur hún út frá því að and­staða við efa­semdir um lofts­lags­breyt­ingar jafn­gildi hömlum á tján­ing­ar­frels­inu. Hún hefur verið fengin til þess að halda ræðu á ráð­stefnu banda­ríska Repúblikana­flokks­ins í Washington í næstu viku.

Í mynd­böndum sem birt eru á Youtube talar Naomi Seibt fyrir efa­semdum um að lofts­lags­breyt­ingar af manna­völdum séu alvar­legt vanda­mál, á launum frá The Heartland Institute. „Við hjá Heartland Institute viljum dreifa sann­leik­anum um vís­indin á bak­við lofts­lags-real­isma,“ útskýrir hún í einu mynd­band­anna.

Í umfjöllun Washington Post er greint frá því að Heartland Institute sé í eins konar banda­lagi með rík­is­stjórn Donalds Trump Banda­ríkja­for­seta. Stofn­unin hefur meðal ann­ars áður lið­sinnt tóbaks­fyr­ir­tækjum í almanna­tengsla­her­ferð til að draga úr trú á skað­semi reyk­inga. Almennt veitir stofn­unin hags­munum stór­fyr­ir­tækja virkan stuðn­ing og nýtur fjár­hags­legs stuðn­ings frá þeim.

Þýska rann­sókn­ar­blaða­mennskuteymið Correctiv sýndi meðal ann­ars nýlega fram á að Heartland Institute þáði boð um hálfa milljón evra og vann í kjöl­farið grein­ingu sem nota átti gegn lög­gjöf um minnkun útblást­urs gróð­ur­húsa­loft­teg­unda í Þýska­landi. Umfjöllun Correctiv má sjá hér. 

Heartland Institute birtir nú hvert mynd­bandið á fætur öðru á Youtube þar sem Naomi Seibt gerir lítið úr lofts­lags­breyt­ingum og reynir að sefa áhyggjur með þeim orðum að vís­indin séu hennar megin. 

Greta Thunberg hefur meðal ann­ars haldið ræðu á leið­toga­ráð­stefnu Sam­ein­uðu þjóð­anna um lofts­lags­breyt­ingar, þar sem hún spurði: „Hvernig dirf­ist þið?“

Um 97% vís­inda­manna á sviði lofts­lags­breyt­inga eru sam­mála því að hlýnun jarðar sé af manna­völdum, með þeim hætti að auk­inn útblástur koltví­sýr­ings og ann­arra gróð­ur­húsa­loft­teg­unda valdi því að meiri varmi frá sól­inni sitji eftir í and­rúms­loft­inu en áður en stór­felld losun þeirra hófst með iðn­væð­ingu.

Heartland Institute hefur hins vegar sent frá sér vill­andi eða afvega­leið­andi upp­lýs­ingar til blaða­manna, sent bækur til kenn­ara og birt mynd­bönd þess efnis að koltví­sýr­ingur sé ekki meng­un­ar­valdur. Til­gang­ur­inn er að sá efa­semdum um að lofts­lags­breyt­ingar af manna­völdum séu raun­veru­legar til að koma í veg fyrir kostn­að­ar­samar aðgerðir gegn þeim.