Ævisaga Halldórs Ásgríms­sonar, fyrr­ver­andi for­manns Fram­sókn­ar­flokks­ins og for­sæt­is­ráð­herra, var skrifuð að und­ir­lagi og kostuð af fjöl­skyldu Halldórs sjálfs. Bókin er eftir Guðjón Frið­riks­son og kom hún út hjá Máli og menn­ingu, sem er hluti af For­lag­inu, fyrir jólin og segir sög­una af lífs­hlaupi Halldórs Ásgríms­sonar. Halldór lést árið 2015. 

Þar eru meðal ann­ars sér­stakir kaflar um umdeild og eld­fim póli­tísk mál eins og stór­iðju­fram­kvæmdir við Kára­hnjúka­virkjun, einka­væð­ingu rík­is­fyr­ir­tækja eins og Íslenskra aðal­verk­taka og rík­is­bank­anna í byrjun ald­ar­innar og Íraks­stríðið. Segja má að Halldór Ásgríms­son sé einn allra þekkt­asti stjórn­mála­maður Íslands síð­ast­liðna ára­tugi og einnig einn sá umdeild­asti vegna aðkomu sinnar að umræddum málum meðal ann­ars. 

Í sam­tali við Stundina segir Guðjón að fjöl­skylda og vinir Halldórs hafi stofnað félag utan um útgáfu bók­ar­innar og að hann hafi svo fengið greitt fyrir vinnu sínu frá umræddu félagi. „Það var stofnað félag sem greiddi mér, það voru fjöl­skylda hans og …