Aðalfundi Íslandspóst, dótturfélags ríkisins, var frestað að beiðni Bjarna Benediktssonar, fjármála- og efnahagsráðherra, en stefnt er að því að halda hluthafafund áður en aðalfundur fer fram. Samtímis frestast birting ársskýrslu fyrirtækisins.
Frá þessu er greint í Fréttablaðinu í dag, en heimildir blaðsins herma að launaskrið hafi verið töluvert hjá stjórnendum fyrirtækisins á árinu 2018, og að laun Ingimundar Sigurpálssonar, forstjóra, hafi hækkað umtalsvert á sama tíma og fjárhagsstaða fyrirtækisins versnaði hratt.
Ekki hafa komið fram neinar skýringar á frestun fundarins.
Í umfjöllun Fréttablaðsins í dag, segir meðal annars: „Árið 2017 hækkaði stjórn ÍSP laun forstjóra fyrirtækisins um 25 prósent og í ársbyrjun 2018 greiddi félagið launauppbót til starfsmanna sinna í ljósi góðrar afkomu. Á haustmánuðum var staðan hins vegar sú að eigið fé reyndist uppurið og veðrými í fasteignum sömuleiðis. Því lokaði viðskiptabanki þess, Landsbanki Íslands, fyrir frekari lán. Þess vegna leitaði ÍSP á náðir ríkisins sem lánaði félaginu 500 milljónir
og veitti heimild til að lána allt að milljarð til viðbótar á þessu ári þótt ekki væri búið að greina í hverju rekstrarvandinn liggur.“
Í stjórn Íslandspósts eru Bjarni Jónsson, Eiríkur Haukur Hauksson, Svanhildur Hólm Valsdóttir, Halldór Gunnarsson og Thomas Möller.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir