Úkraína orðið formlegt umsóknarríki að ESB

Allir leið­togar Evr­ópu­sam­bands­ríkj­anna 27 sam­þykktu á fundi leið­toga­táðs ESB í dag að veita Úkraínu og Moldóvu form­lega stöðu umsókn­ar­ríkis hjá Evr­ópu­sam­band­inu. Tillaga þess efnis var sam­þykkt á fundi leið­toga­ráðs sam­bands­ins í Brussel í dag.

[links]Fram­kvæmda­stjórn ESB sam­þykkti á fundi sínum í síð­ustu viku til­lögu þess efnis að Úkraína og Moldóva fengju form­lega stöðu umsókn­ar­ríkis. Georgía hefur einnig sótt um aðild en fram­kvæmda­stjórnin lagði ekki til að Georgía fái form­lega stöðu umsókn­ar­ríkis.

„Sögulegt sam­komu­lag, sögu­leg ákvörðun,“ skrifar Charles Michel, for­seti leið­toga­ráðs ESB, á Twitter, en hann greindi frá ákvörðun leið­toga­ráðs­ins að loknum fundi þess í dag. Tveggja daga fund­ar­lota ráðs­ins stendur nú yfir.

Úkraína og Moldóva bæt­ast í hóp Albaníu, Norður-Makedóníu, Svart­fjalla­lands, Serbíu og Tyrk­lands sem einnig hafa form­lega stöðu umsókn­ar­ríkis.

Að fá form­lega stöðu umsókn­ar­ríkis er fyrsta form­lega skrefið í átt að Evr­ópu­sam­bands­að­ild.

[adspot]Úkraína sótti form­lega um aðild að Evr­ópu­sam­band­inu fjórum dögum eftir að inn­rás Rússa hófst. Ferlið í átt að aðild hefur gengið hraðar en dæmi eru fyrir en sjálft aðild­ar­ferlið er enn eftir og dæmin sýna að það getur verið langt og strangt. Af þeim ríkjum sem hafa form­lega stöðu umsókn­ar­ríkis hefur Norður-Makedónía haft hana lengst, eða í rúm 17 ár.

Aðild­ar­ríki Evr­ópu­sam­bands­ins eru 27 eftir að Bretland sagði skilið við sam­bandið í árs­byrjun 2020 eftir rúm­lega þriggja ára úrsagn­ar­við­ræður. Aðild­ar­ríkjum fjölg­aði síð­ast árið 2013 þegar umsókn Króatía um aðild var sam­þykkt árið 2013.

Vsevolod Chentsov, sendi­herra Úkraínu gagn­vart Evr­ópu­sam­band­inu, segir sam­þykkt leið­toga­ráðs­ins gefa úkransku þjóð­inni and­legan styrk, þó „alvöru inn­leið­ing­ar­ferli“ geti ekki haf­ist fyrr en stríð­inu í Úkraínu lýkur. Chentsov segir áræðni Úkraínu í aðild­ar­ferl­inu eiga að setja for­dæmi fyrir önnur ríki sem hafa form­lega stöðu umsókn­ar­ríkis.

Að­ild­ar­um­sókn Úkra­ínu að Evr­ópu­sam­band­inu var sam­þykkt með yfir­gnæf­andi meiri­hluta á Evr­ópu­þing­inu nokkrum dögum eftir að inn­rás Rússa í Úkra­ínu hófst í lok febr­ú­ar. Ursula von der Leyen, for­seti fram­kvæmda­stjórnar ESB, sagði inn­rás­ina marka nýtt upp­haf í Evr­ópu en ljóst er að aðild­ar­ferlið fram undan verður langt og strangt, óháð stríðs­á­tök­um.

Úkra­ína mun til að mynda þurfa að gera ýmsar breyt­ing­ar, allt frá dóms­kerf­inu til spill­ingar í stjórn­kerf­inu. En ljóst er að með hverju skref­inu fær­ist Úkraína skrefi nær Evr­ópu­sam­bands­að­ild.