Björt Ólafs­dóttir, umhverfis- og auð­linda­ráð­herra, segir að með ummælum sínum um til­mæli til nefndar um veit­ingu íviln­ana hafi hún verið að vísa til leið­sagnar sem nefndin hafi fengið og felist í yfir­lýstri stefnu rík­is­stjórn­ar­innar.

Þetta kemur fram í svari Bjartar við fyr­ir­spurn Stund­ar­innar um málið en eins og fram kom í morgun er ekki rétt að nefnd um veit­ingu íviln­ana til nýfjár­fest­inga hafi fengið til­mæli um breyttar áherslur við afgreiðslu umsókna. „Nefndin hefur ekki fengið slík til­mæli,“ segir í svari atvinnu­vega- og nýsköp­un­ar­ráðu­neyt­is­ins við fyr­ir­spurn Stund­ar­innar þar sem óskað var eftir upp­lýs­ingum um til­mælin sem Björt vís­aði til í þing­ræðu.

Stundin óskaði eftir skýr­ingum Bjartar á þessu. Í svari sínu segir hún: „Já það er auð­velt að útskýra það. Orðin „til­mæli“ og „leið­sögn“ eru í minni mál­notkun mjög skyld og þegar ég ræddi þetta við Oddnýju Harð­ar­dóttur í þing­inu var það sú hugsun sem ég vildi færa fram. Ég þarf að gæta að því hvernig ég orða hlut­ina, en ef ég segi alveg eins og er þá hafði ég ekki áttað mig á því að í notkun þessa orðs, í þessu sam­hengi, hefði svo ákveðna merk­ingu.  Það sem ég var að vísa til með orðum mínum er stefna rík­is­stjórn­ar­innar. Hún er mjög skýr í þessum málum og kemur fram í stjórn­ar­sátt­mál­anum. Þeirri leið­sögn hefur verið komið á fram­færi til ráðu­neyt­anna allra sem vinna nú eftir henni.“

Björt bregst einnig við fréttum Stund­ar­innar og Kvenna­blaðs­ins á Facebook. „Já góðan dag­inn. Kvenna­blaðið vill meina að ég hafi sagt Oddnýju Harð­ar­dóttur ósatt. Glæp­ur­inn snýst um að ég not­aði orðið "til­mæli" þegar við vorum að ræða stefnu rík­i­s­tjórn­ar­innar um íviln­anir til meng­andi stór­iðju, sem þessi rík­is­stjórn ætlar að láta af. Stað­reyndin er sú að orðin "til­mæli" og "leið­sögn" eru í minni mál­notkun mjög skyld. Vafa­laust þarf ég að vanda mig betur, orða hlut­ina á meira lög­fræði­máli? Það verður dálitið ný ég, en ok. En svo það sé alveg skýrt þá var ég að vísa til stefnu rík­is­stjórn­ar­innar. Hún er mjög skýr í þessum málum og kemur fram í stjórn­ar­sátt­mál­anum. Og eftir honum vinna nú öll ráðu­neytin.“ 

Þá gagn­rýnir hún Stundina fyrir að hafa ekki birt svar sitt strax. „Ég svar­aði reyndar blaða­manni Stund­ar­innar varð­andi þetta mál, en honum hefur ekki fund­ist það mik­il­vægt að birta mitt svar í sinni grein. Geri það þá bara hér,“ skrifar hún og birtir svar sitt í heild.