Karolina Fund: Issamwera

Issamwera er íslensk afro-latin-djass hljóm­sveit upp­full af fram­andi suð­rænum ryt­mum og flæð­andi djass­straumum. Nafnið Issamwera varð til þegar orð­inu „mwera”, sem þýðir „að koma saman” á norður-mósam­bísku tungu­máli, og orð­inu „sam­vera” úr íslensku var blandað saman. Til varð orðið Issamwera með þá þýð­ingu að vera vel­komin.

Hljóm­sveitin safnar nú fyrir útgáfu á sinni fyrstu plötu í gegnum Karolina fund.

Hverjir eru Issamwera?

„Fjúsjon bandið þar sem afrískir taktar eru í far­ar­broddi varð til árið 2013 þegar Yara Polana, einnig þekkt sem Monace, fór að finna fyrir fjar­veru afrískrar tón­listar og fór að heyra í því sem hún kallar ,,öskri takt­anna”.

[adspot]Fyrir nokkrum árum byrj­aði Yara, gít­ar­leik­ari, að spila á trommur vegna skorts trommu­leik­ara í Reykja­vík og til að deila umtöl­uðum öskrum ryþ­manna, og fékk með sér í lið þá Kwami Obaioni á slag­verk, Ingólf Arason á gítar, Ellert Schram á hljóm­borð, Cheick Bangoura á slag­verk og dans og Andres á bassa. Þannig varð til bandið ISSAMWERA.

Issamwera stuðlar að fjöl­breyti­leika og leggur áherslu á að vekja athygli á og styrkja konur af lit í tón­list­ar­brans­anum. Hljóm­sveitin vinnur að því að halda í rætur sínar en að stuðla einnig að nýsköpun og nýrri hugsun. Með tón­list­inni vilja þau hafa áhrif út í heim­inn á fólk af lit, og ná sér­stak­lega til þeirra sem búa á Íslandi og á öðrum Norð­ur­löndum. Issamwera kynnir til allra tóna, lifn­að­ar­hætti, sögu og gleði afrískra ætt­bálka og þannig afrískra tón­list.“

Hjálpið þeim með því að styrkja verk­efnið í gegnumKarolina Fund.