Boðað hefur verið til fundar á Bessastöðum klukkan 17 í dag. Þar munu Guðni Th. Jóhannesson forseti Íslands og Bjarni Benediktsson formaður Sjálfstæðisflokksins funda.
Bjarni sleit stjórnarmyndunarviðræðum við Bjarta framtíð og Viðreisn í dag eftir nokkurra daga fundahöld. Hann sagðist hafa gert það þrátt fyrir að fundir flokkanna hafi leitt í ljós góðan samhljóm um ýmis mál. Lengra hafi verið á milli í öðrum málum. „Ég tel að samtöl undanfarinna daga hafi leitt í ljós að það væri afar óvarlegt að leggja af stað með þann málefnagrunn sem um er rætt og nauman meirihluta inn í kjörtímabilið. Margt segir mér að aðstæður kalli á ríkisstjórn með breiðari skírskotun og sterkari meirihluta en þann sem þessir þrír flokkar geta boðið. Ég útiloka ekkert fyrirfram í þeim efnum,” er haft eftir Bjarna í fréttatilkynningu frá Sjálfstæðisflokknum.
Það kemur í ljós á fundi þeirra hvort Bjarni hyggst skila stjórnarmyndunarumboðinu. Ef hann gerir það er talið líklegt að Katrín Jakobsdóttir, formaður Vinstri grænna, fái næst tækifæri til að mynda ríkisstjórn.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
kosningar2016
Bjarni Benediktsson jafnar met Þorsteins Pálssonar
Ekki einhugur um ráðherraval innan Sjálfstæðisflokksins
Það sem ný ríkisstjórn ætlar að gera
Stjórnarsáttmáli: Evrópumál fara til þingsins undir lok kjörtímabils
Ríkisstjórn Bjarna á lokametrunum
Athugasemdir