Donald Trump forseti Bandaríkjanna hefur tíst fimm sinnum í dag um James Comey, fyrrverandi forstjóra FBI sem hann rak úr embætti fyrir tæpu ári síðan. FBI var þá að rannsaka meint samráð forsetans og kosningateymi hans við Rússa.
Á þriðjudag er væntanlega endurminningabók Comey þar sem hann kallar forsetann meðal annars siðlausan. Fjölmiðlar ytra hafa birt hluta af bókinni nú þegar sem virðist hafa komið Trump rækilega úr jafnvægi.
Trump hóf daginn á því að kalla Comey slímbolta eða „slimeball“.
Síðan fór hann að tala um bókina, sem hann segir vera að fá lélega dóma, í einhvers konar ranti þar sem hann leggur meðal annars til að Comey sé stungið í fangelsi fyrir að hafa lekið trúnaðarupplýsingum og logið að þingnefnd. Hann hélt síðan áfram að ræða fyrrverandi dómsmálaráðherrann Lorettu Lynch, sem Comey mun nefna í bókinni í tengslum við tölvupósta vandræði Hillary Clinton í kosningabaráttunni.
Trump skipti síðan snögglega yfir í lofræðu um loftárásirnar í Sýrlandi í fyrri nótt áður en hann hélt áfram að barma sér yfir Comey. Hann sagðist aldrei hafa beðið Comey um persónulegan trúnað. Hann hafi varla þekkt hann. Comey sé lygari og endurminningarnar eigingjarnar og falsaðar.
Trump sagðist að lokum, í fimmta og síðasta tístinu, að Comey væri ekki vel gefinn og að sagan muni dæma hann sem lang lélegasta forstjóra FBI í sögunni.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Trump
„Maðurinn með leppinn“ sakfelldur fyrir árásina á bandaríska þinghúsið
Fordæmalaus húsleit í Mar-a-Lago
Það sem Trump vissi
„Sannleikssamfélagi“ Trump lýst sem hörmung
Dræmur lestur á bloggsíðu Trumps slökkti ljósið í „vita frelsisins“
Athugasemdir