Ögurstund hjá Vinstri grænum

Fundi þing­flokks Vinstri grænna, þar sem rætt var um hvort það ætti að hefja form­legar stjórn­ar­mynd­un­ar­við­ræður með Sjálf­stæð­is­flokknum og Fram­sókn­ar­flokki, lauk í gær­kvöldi án niðu­ir­stöðu.

Búist er við því að loka­nið­ur­staða liggi fyrir í dag, en boðað hefur verið til fram­halds­fundar þar sem loka­á­kvörðun verður tekin um í hvaða stefnu málið fer. Hefst sá fund­ur­inn klukkan 13:00.

Katrín Jak­obs­dóttir, for­maður Vinstri grænna, hefur talað fyrir því að flokk­ur­inn ein­blíni á mál­efnin og láti reyna á hvort hann nái sínu fram.

Fyrir kosn­ingar úti­lok­aði flokk­ur­inn ekki sam­starf við neinn flokk, og á þeim grunni hefur Katrín tekið þátt í óform­legum við­ræðum með Sjálf­stæð­is­flokki og Fram­sókn­ar­flokki.

Ljóst er þó að for­ystu­sveit flokks­ins, þing­flokkur, flokks­ráðs og helstu trún­að­ar­menn, munu ráða miklu um það hvort skuli fara í form­legt stjórn­ar­sam­starf milli flokk­anna þriggja.

Innan Sjálf­stæð­is­flokks­ins og Fram­sókn­ar­flokks­ins er meiri vilji til að fara í við­ræður með Vinstri grænum, og þá einkum og sér í lagi innan Fram­sókn­ar­flokks­ins, enda hefur Sigurður Ingi Jóhann­son, for­maður flokks­ins, talað skýrt fyrir því að sam­starf þess­ara þriggja flokka geti orðið far­sælt.