Varla hefur farið framhjá neinum Íslendingi sá ótrúlegi árangur sem karlalandsliðið í knattspyrnu náði á dögunum í Frakklandi en þar með náðu strákarnir að leika eftir glæsilegan árangur kvennalandsliðsins.

Auk þess sem knattspyrnuafrekin náðu að vekja athygli innanlands vakti stemningin meðal íslenskra stuðningsmanna á Arnarhóli ekki síður athygli utan landsteinanna.



Bandaríska tímaritið Time gerði stemningunni á Arnarhóli góð skil líkt og BBC í Bretlandi.

Fregnir af fjöri á Arnarhóli skiluðu sér einnig allt austur til Bjarmalands þar sem Russia Today sýndi frá okkar samheldnu stuðningsmannasveit.

 
Bandaríkjamenn létu ekki sitt eftir liggja enda var fjallað um viðburðinn á Arnarhóli á vefsíðu Sports Illustrated.

_{Gabrielle Tétrault-Farber}

Svisslendingar gerðu ekki gott mót í Frakklandi en voru þó einnig upprifnir af þeirri stemningu sem skapaðist meðal heimamanna í Reykjavík.

_{Brynjar Gunnarsson}

Og að sjálfsögðu frændur vorir Danir sem því miður tóku ekki einu sinni þátt í mótinu samglöddust sinni fornu nýlenduþjóð._{Ólafur Steinar Gestsson}

Eins og sjá má hefur stemningin á Arnarhóli þar sem Reykjavík skartaði sínu allra fegursta vakið heimsathygli.

Það er skemmtilegt að sjá Ísland sem og höfuðborgina okkar birtast heimsbyggðinni í björtum ljóma miðnætursólarinnar.

Takk kærlega fyrir mig strákar,
Áfram Ísland!


_{Forsíðumynd Stefán Pálsson}