Bekkurinn – dagbók í Gullhring

Þórarinn Leifsson hefur áður sent frá sér fjöl­margar sögur, jafnt fyrir börn og full­orðna. Hann fer ótroðnar slóðir í bókum sínum sem allar hafa hlotið frá­bærar við­tökur gagn­rýnenda á Íslandi og verið þýddar á fjölda tungu­mála. Bekk­ur­inn er öðru­vísi en fyrri verk höf­undar á þann hátt að hún varð til úr 76 ljós­myndum og jafn mörgum dag­bók­ar­brotum. Þetta er heim­ilda­verk um íslenska ferða­þjón­ustu um það leiti sem hún var að ná hámarki, árin 2018-2019.

Hvernig vakn­aði hug­myndin að verk­efn­inu?

„Haustið 2017 var ég svo­lítið á kross­götum í líf­inu. Ég var nýskil­inn eftir tæp­lega tutt­ugu ára hjóna­band og fluttur heim til Íslands frá Berlín þar sem ég hafði ein­angr­ast svo­lítið í eigin heimi. Það var því mjög frísk­andi að rjúka af stað með erlenda ferða­menn um ísland, þá fyrst og fremst í Gull­hring til að byrja með.

[adspot]Rign­ing­ar­sum­arið mikla 2018 fór ég síðan að taka myndir af bekk á Geysi í hverjum Gull­hring og ein­hvern tím­ann um haustið datt mér í hug að tengja þessar myndir við búta úr dag­bók­inni minni. Jafn­framt gaf ég hverri ferð frá einum upp í fimm gull­hringi – að hætti TripA­dvisor.“

Segðu okkur frá þema verk­efn­is­ins?

„Þemað er fyrst og fremst þessi bekkur sem speglar bæði mig og íslensku þjóð­ina. Við erum ennþá að átta okkur á okkur sjálfum og hvernig við eigum að mæta öllum þessum ferða­mönnum sem vilja setj­ast upp á okkur. Myndir og textar koma úr sitt hvorri átt og mæt­ast í opnum bók­ar­innar; sjö­tíu og sex myndir af sama bekknum allt árið í kring í jafn mis­mun­andi veðrum. Ferða­menn­irnir koma síðan inn á mynd­flöt­inn sem nokk­urs konar boð­flennur, þeir ýmist sitja á bekknum, standa á honum eða hrein­lega dansa fyrir framan hann. Textinn er fyrir sitt leiti úr dag­bók­inni minni þann sama dag og ekki endi­lega í beinu sam­hengi við það sem er að ger­ast hjá bekknum á mynd­inni. Sam­an­lagt er þetta heim­ild um afmark­aðan tíma. Heimild um hvernig ferða­menn eru að koma hingað en líka heim­ild um hvers­dag leið­sögu­manns­ins.“

Hér er hægt að skoða og styrkja verk­efnið.