Vilja reisa nýtt verslunarhúsnæði á bílaplaninu við Bauhaus

Lamb­haga­vegur fast­eigna­fé­lag ehf., sem er eig­andi versl­un­ar­hús­næðis Bauhaus, fal­ast nú eftir því við Reykja­vík­ur­borg að fá heim­ild til þess að reisa hús­næði undir mat­vöru­verslun og aðra þjón­ustu á bílaplan­inu við Bauhaus.

Fast­eigna­fé­lagið telur að mat­vöru­verslun á þessum stað muni koma til móts við þarfir auk­ins fjölda íbúa í Úlf­arsár­dal, sem í dag þurfi að aka yfir í önnur hverfi til þess að gera stórinn­kaup til heim­il­is­ins.

Þetta kemur fram í inn­sendu erindi um breyt­ingar á aðal­skipu­lagi Reykja­víkur, sem fast­eigna­fé­lagið fól lög­manns­stofu að senda til borg­ar­innar í ágúst­mán­uði. Þar segir að versl­un­ar­hús­næðið sem fast­eigna­fé­lagið sér fyrir sér að reisa sé um 3-4.000 fer­metrar og þar af yrði rými fyrir um 1.500 fer­metra mat­vöru­verslun.

[adspot]

Í erindi fast­eigna­fé­lags­ins segir að margt mæli með því að leyfi fáist til að setja upp mat­vöru­verslun á þessum stað. Auk þess sem þörf íbúa til þess að keyra út úr hverf­inu til þess að versla verði eytt sé stað­setn­ingin, á mörkum stofn­brautar og tengi­brautar innan hverfis, til þess fallin að stuðla að minni umferð innan hverf­is­ins, þar sem versl­unin sé „í leið­inni heim fyrir íbúa hverf­is­ins“.

„Annar aug­ljós kostur,“ segir í umsögn­inni, er sá að engin þörf verður á því að ryðja land undir og útbúa ný bíla­stæði, þar sem fyr­ir­huguð verslun muni nýta núver­andi stæði á lóð­inni.

Lambhagavegur verði eftirsóttur áfangastaður

Í erind­inu segir frá því fast­eigna­fé­lagið vinni nú að því að koma upp hleðslu­stæðum fyrir raf­bíla, sér­stökum stæðum fyrir deili­hag­kerfis-raf­skútur, hágæða hjóla­stæðum og grænum svæðum á lóð­inni, til að auð­velda aðgengi íbúa að svæð­inu og fjölga val­kostum í ferðum til og frá svæð­inu.

„Tillögur að fyr­ir­hug­aðri mat­vöru­verslun og öðrum sér­versl­unum með góðu og þægi­legu aðgengi hjólandi og gang­andi íbúa hverf­is­ins mun gera Lamb­haga­veg 2-4 að eft­ir­sóttum áfanga­stað í teng­ingu við fram­tíðar þjón­ustu­kjarna og/eða borg­ar­línu­stöð á Keldna­holti,“ segir í erindi fast­eigna­fé­lags­ins, þar sem óskað er eftir fundi með full­trúum borg­ar­innar til að gera frek­ari grein fyrir til­lög­unum.