Luxury Adventures í rannsókn hjá sérstökum saksóknara

Ólafur Helgi Þor­gríms­son, fram­kvæmda­stjóri Luxury Adventures og skráður for­stöðu­maður trú­fé­lags­ins Zuism, er í rann­sókn hjá sér­stökum sak­sókn­ara. Samkvæmt heim­ildum Stund­ar­innar snýst málið um pen­inga­þvott í gegnum félagið Luxury Adventures.

Ólafur Þór Hauksson, sér­stakur sak­sókn­ari, stað­festir að rann­sókn á Ólafi Helga hafi staðið um nokk­urt skeið. Sér­stakur sak­sókn­ari seg­ist ann­ars lítið geta sagt um málið meðan það er enn í rann­sókn. Hann segir þó að rann­sóknin sé mjög langt komin, raunar nærri lokið. Ólafur Þór segir að málið hafi komið upp árið 2013. Vænta má þess að málið fari í ákæru­með­ferð á næstu vikum.

Þrátt fyrir ítrek­aðar til­raunir bæði fyrir og eftir helgi hefur Stundin ekki náð í Ólaf Helga.

Færður í gæsluvarðhald

Samkvæmt heim­ildum Stund­ar­innar snýst meint afbrot Ólafs Helga meðal ann­ars um milli­færslu á fé frá Eystra­salts­lönd­unum til Íslands þar sem ferða­þjón­ustu­fyr­ir­tæki hans var nýtt í þeim til­gangi. Samkvæmt heim­ildum skaut Seðla­banki Íslands mál­inu til sér­staks sak­sókn­ara. Fyrir nokkrum mán­uðum síðan sat Ólafur Helgi sat í gæslu­varð­haldi vegna máls­ins. Að sögn heim­ild­ar­manns má rekja upp­haf máls­ins til þess að Seðla­banki Íslands fór að kanna inn­borg­anir á reikn­inga vegna ferða á vegum Luxury Adventures. 

Forstöðumaður Zuisma

Stundin greindi frá því á dög­unum að Ólafur Helgi væri for­stöðu­maður eins dul­ar­fyllsta trúsöfn­uðar á Íslandi, en sjálfur seg­ist hann hafa hætt þar eftir nokkra mán­uði. 

Félagið heitir  Zuismi, en söfn­uð­ur­inn fékk form­lega skrán­ingu árið 2013 eftir að honum hafði verið hafnað árið áður. Samkvæmt heim­ildum Stund­ar­innar verður trú­fé­lagið brott­fellt á næstu vikum.

Svo virð­ist sem með­limir trú­fé­lags­ins trúi á forn­súm­erska fjöl­gyð­is­trú, sem segja má að hafi runnið sitt skeið fyrir um 6000 árum. Skráðir með­limir eru þrír.