Útlendingum sem dvalist hafa á Íslandi, og hafa gert það frá því fyrir 20. mars 2020, en hefur ekki komist til síns heima vegna ferðatakmarkana, sóttkvíar eða einangrunar er nú heimilt að dvelja hér á landi án vegabréfsáritunar eða dvalarleyfis til og með 10. ágúst næstkomandi. dir="ltr" style="line-height:1.38;margin-top:16pt;margin-bottom:4pt;">Þetta kemur fram í breytingu á reglugerð um útlendinga sem Áslaug Arna Sigurbjörnsdóttir dómsmálaráðherra gerði og öðlaðist gildi 15. júní síðastliðinn.
Auglýsing um reglugerðarbreytinguna var birt í Stjórnartíðindum 1. júlí.
Þar segir einnig að þrátt fyrir ofangreint ákvæði þá komi það „ekki í veg fyrir frávísun eða brottvísun þeirra sem voru í ólögmætri dvöl fyrir 20. mars 2020 eða frávísun eða brottvísun á öðrum grundvelli samkvæmt ákvæðum laga um útlendinga.“
[adspot]Á heimasíðu Útlendingastofnunar er sérstaklega tilgreint að ákvæðið nái einungis til þeirra sem ekki komast til síns heima vegna ferðatakmarkana, sóttkvíar eða einangrunar. Þar stendur enn fremur að „skortur á beinum flugsamgöngum til heimalands, hár kostnaður við ferðalög eða annað óhagræði af því að ferðast um þessar mundir eru ekki ástæður sem heimila dvöl án dvalarleyfis eða áritunar.“
Útlendingastofnun bárust alls 243 umsóknir um vernd hérlendis á fyrstu fimm mánuðum ársins 2020. Þær hafa verið afar fáar frá því að COVID-19 faraldurinn skall á, alls fimm í apríl og fjórar í maí.
Alls hefur ákvörðun verið tekin um 388 mál þar sem óskað var eftir vernd á árinu 2020. Af þeim hafa 222 fengið veitta vernd, 67 hefur verið synjað, 31 hafa verið endursend til annars Evrópulands á grundvelli Dyflinarreglugerðarinnar, 35 hafa þegar verið með vernd í öðru ríki og 33 mál hafa hlotið „önnur lok“.
Í apríl og maí, á meðal að landamæri flestra ríkja Evrópu og Bandaríkjanna voru lokuð, áttu sér stað sex ákvarðanir um endursendingar á grundvelli Dyflinarreglugerðarinnar, en samkvæmt henni er hælisleitendum gert að sækja um vernd í því Evrópulandi sem þeir lenda fyrst í. Í maímánuði voru teknar tvær ákvarðanir um endursendingar á hælisleitendum á grundvelli reglugerðarinnar.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Covid-19
Fleiri smitast af hinni banvænu Nipah-veiru
Heilbrigðisyfirvöld grípa til sóttkvíar eftir Nipah-smittilfelli á Indlandi
Veira dreifist hratt um Evrópu
Sérfræðingar vara við nýjum heimsfaraldri
Suður-Súdan glímir við versta kólerufaraldurinn í 20 ár
Athugasemdir