Úkraína tekin af lista yfir örugg ríki snemma í morgun

Úkraína var tekin af lista yfir örugg ríki í morgun eftir að fregnir bár­ust um inn­rás Rússa. Ákvörð­unin var tekin af Útlend­inga­stofnun, sem lögum sam­kvæmt ber á byrgð á lista öruggra upp­runa­ríkja.

Þetta kemur fram í til­kynn­ingu frá dóms­mála­ráðu­neyt­inu í til­efni af umræðum sem fram fóru á Alþingi í morgun.

[links]Í óund­ir­búnum fyr­ir­spurn­ar­tíma spurði Helga Vala Helga­dóttir, þing­maður Sam­fylk­ing­ar­innar, hvort Jón Gunn­ars­son dóms­mála­ráð­herra væri reiðu­bú­inn að taka Úkraínu þegar í stað af lista yfir svokölluð örugg ríki. Sagði ráð­herra að það hlyti að verða tekið til end­ur­skoð­unar eftir að Rússa gerðu inn­rás í Úkraínu í nótt.

Fram kemur í til­kynn­ingu dóms­mála­ráðu­neyt­is­ins að upp­lýs­ingar um að Úkraína sé talin öruggt upp­runa­ríki voru teknar af heima­síðu Útlend­inga­stofn­unar strax í morgun í ljósi frétta næt­ur­innar. Því var búið að taka Úkraínu af list­anum þegar þing­fundur hófst klukkan 10:30.

„Sér­stök hern­að­ar­að­gerð“ Rússa, líkt og Vla­dimír Pútín Rúss­lands­for­seti orðar það, hófst í Úkra­ínu í nótt. Í sjón­varps­ávarpi snemma í morgun sagði hann mark­mið sitt með inn­rás í Úkra­ínu vera að „aflétta hern­að­ar­yf­ir­ráðum“ í land­inu en ekki her­nema það.

Katrín Jak­obs­dóttir for­sæt­is­ráð­herra, flutti skýrslu fyrir Alþingi eftir hádegi þar sem hún for­dæmdi harð­lega inn­rás Rússa í Úkraínu. „Hér er um að ræða árás­ar­stríð sem er skýrt brot á alþjóða­lögum og á sér enga rétt­læt­ingu.“ Hún greindi einnig frá því að Ísland ætli að styðja við Úkraínu með auk­inni mann­úð­ar­að­stoð og verður um einni milljón evra veitt til mann­úð­ar­að­stoðar í Úkraínu.

Í til­kynn­ingu dóms­mála­ráðu­neyt­is­ins kemur fram að ekki hefur verið lagt sér­stakt mat á ástandið í Úkraínu þar sem algjör óvissa er um hvernig aðstæður þró­ast. „Gert er ráð fyrir að lagt verði mat á aðstæður í Úkraínu eftir því sem atburðum vindur fram og fregnir ber­ast af ástandi í land­inu,“ segir í til­kynn­ingu ráðu­neyt­is­ins.