Þeim er fórnandi, eða (ásættanleg áhætta)

Fyrir 2000 árum gekk um á jörð­inni maður sem vildi bæta mann­lífið og heim­inn allan. Hann lifði innan um ein­falt alþýðu­fólk sem ekki alltaf skildi kenn­ingar hans. Þegar hann varð þess var, þá reyndi hann að setja kenn­ingar sínar í dæmisögur úr dag­lega líf­inu, sögum sem fólkið skildi.

E.t.v. er á Íslandi í dag ástæða til þess að fólkið í land­inu fari að tala við stjórn­endur sína í dæmisögum, svo þeir skilji hvert þeirra hlut­verk er.

[adspot]Ímyndum okkur að flokkur alþjóð­legra hryðju­verka­manna ætli sér að valda eins miklum usla og þeir geta í löndum heims með því að drepa sak­laust fólk í stórum stíl. Gegn slíkri ógn myndu stjórn­völd flestra landa setja upp strangt eft­ir­lit við landa­mæri sín til þess að hindra komu hryðju­verka­sam­tak­anna til sinna landa. Þá myndi engu skipta hvort ein­hverjir inn­an­lands töp­uðu tekjum af því að selja hryðju­verka­fólk­inu þjón­ustu og aðrar nauð­synjar.

[links]Ég ætla ekki að skýra þetta út nánar, enda held ég að flestir skilji sam­lík­ing­una. Ég ætla svo sann­ar­lega ekki að líkja mér við mann­inn sem tal­aði í dæmisögum til almenn­ings fyrir 2000 árum, en ég skil þó að stundum þarf að tala í sam­lík­ingum til þess að þau sem ekki skilja, eða ekki vilja skilja alvar­leika þess sem nú herjar á mann­kynið gæti að ábyrgð sinni.

Fróðlegt væri að fá svör ferða­mála­ráð­herra sem segir núver­andi aðgerðir á landa­mærum Íslands vera „ásætt­an­lega áhættu”. Hvað má fórna mörgum manns­lífum svo það falli undir skil­grein­ingu ráð­herr­ans sem ásætt­an­leg áhætta?

Spyr sá sem ekki veit.