Einar Steingrímsson, rektorsframbjóðandi, gagnrýnir ummæli Vigdísar Hauksdóttur, formanns fjárlaganefndar Alþingis, á Facebook-síðu sinni í dag en Vigdís er ósátt við rannsóknarverkefni við Háskóla Íslands. Stundin fjallaði um málið í gær. Einar segir akademískt frelsi eina mikilvægustu undirstöðu góðs háskólastarfs, alveg eins og skoðana- og tjáningarfrelsi er almennt fyrir gott samfélagið. „Slíkt starf á að snúast um þekkingarleit, alveg óháð því hvort sú leit er óþægileg fyrir einhverja aðila. Fólk í valdastöðum, hvað þá þeir sem fara með fjárveitingavald ríkisins, ætti því ekki að fetta fingur út í það hvað er rannsakað í háskólum, þar sem allur slíkur þrýstingur getur haft lamandi áhrif á þá þekkingarleit,“ skrifar Einar á Facebook-síðu sinni í dag.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.












































Athugasemdir