Inga Sæland í aftursætinu hjá formanni Miðflokksins

Þegar Sig­mundur Davíð Gunn­laugs­son, for­maður Mið­flokks­ins, kom á Bessa­staði til fundar við for­seta Íslands fyrr í dag sat Inga Sæland, for­maður Flokks fólks­ins í aft­ur­sæti bif­reiðar hans. Eftir fund­inn með for­set­anum, þar sem vænt­an­leg stjórn­ar­myndun var rædd, sagði Sig­mundur Davíð að þau hafi verið á leyni­fundi sem ekki hafi gef­ist tími til að klára áður en að fund­ur­inn með for­set­anum hófs.

[adspot]Sig­mundur Davíð sagði að flokkar hans og Ingu væru sam­mála um að það væri mik­il­vægt að koma þeim málum sem flokk­arnir tveir eru sam­mála um á fram­færi. Nefndi hann sér­stak­lega mál­efni eldri borg­ara, öryrkja „og fleiri atriði“. „Þetta er banda­lag byggt á mál­efnum.“

Inga Sæland sagði í sam­tali við RÚV að flokk­arnir ættu margt sam­eig­in­legt. „Mið­flokk­ur­inn og Flokkur fólks­ins geta vel verið sam­stíga, hvort sem það er í stjórn­ar­and­stöðu eða í stjórn.“

Flokk­arnir tveir fengu sam­tals ell­efu þing­menn í kosn­ing­unum á laug­ar­dag og um 18 pró­sent atkvæða. Nið­ur­staða þeirra er nán­ast sú sama og Viðreisn og Björt fram­tíð fengu í kosn­ing­unum í fyrra og fjöldi þing­manna nákvæm­lega sá sami. Þá ákváðu þeir tveir flokkar að bind­ast böndum um stjórn­ar­myndun sem skil­aði þeim á end­anum í rík­is­stjórn með Sjálf­stæð­is­flokknum, sem sat í um átta mán­uði.

Bandalag Mið­flokks og Flokks fólks­ins getur ekki myndað rík­is­stjórn með neinum einum flokki, í ljósi þess að Sjálf­stæð­is­flokk­ur­inn tap­aði fimm þing­mönnum í kosn­ing­unum um helg­ina. Því myndi þurfa tvo flokka til að vinna með þeim til að skila þeim í rík­is­stjórn.