Landsbankinn segir í frétt á vef sínum, að óskað hefði verið eftir ráðrúmi til þess að tilkynna starfsfólki bankans í Leifstöð um það, að Arion banki myndi taka við rekstri fjármálaþjónustu í stöðinni, eftir niðurstöðu útboðs, en við því var ekki orðið af hálfu ISAVIA, rekstraraðila flugvallarins. Um 25 starfsmenn bankans starfa í útibúinu í Leifstöð, en tilkynnt var um niðurstöðu útboðsins í dag.
Kemur fram á vef Landsbankans að hann harmi þessi vinnubrögð ISAVIA.
Landsbankinn mun því hætta fjármálaþjónustu í Leifstöð, eftir sextán ára þjónustu, eigi síðar en í apríl á næsta ári, samkvæmt samningi.
Arion banki hlaut hæstu einkunn í samkeppni um rekstur fjármálaþjónustunnar, sem ISAVIA stóð fyrir, og mun nú ganga til samninga við ISAVIA. Í tilkynningu frá Isavia kemur fram að alls hafi fimm umsóknir borist frá Arion banka, Global Exchange Foreign Exchange Services, Íslandsbanka, Landsbankanum, Unicâmbio og iKort.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.











































Athugasemdir