Landsbankinn auglýsir í dag til sölu eignarhluti í tólf óskráðum félögum. Hlutirnir eru auglýstir í samræmi við stefnu Landsbankans um sölu eigna, sem var samþykkt fyrir ári síðan.
Hlutirnir eru meðal annars auglýstir í Fréttablaðinu í dag, en þeir eru ýmist í eigu bankans eða Hamla fyrirtækja ehf., dótturfélags bankans.
52,9% hlutur í Fasteignafélaginu Borg og 32,9% í Fasteignafélaginu Sunnubraut 4 ehf. eru auglýstir til sölu, auk 21,3% í Grundarstræti ehf. og 14% í Hvetjandi ehf. Þá eru hlutir í Ísfélagi Vestmannaeyja, Seljalaxi og Sparisjóð Suður-Þingeyinga meðal þeirra hluta sem eru auglýstir.
[adspot]
Landsbankinn innleiddi nýja stefnu og verkferla um sölu eigna í fyrra, eftir að bankinn hafði verið gagnrýndur harðlega vegna sölu sinnar á eignarhlut í Borgun. Sú sala var ekki gerð í opnu söluferli heldur var samið við áhugasama kaupendur í lokuðu ferli.
Ríkisendurskoðun gerði svo fjölmargar athugasemdir við það hvernig Landsbankinn stóð að sölu á fjölmörgum eignum sínum árin 2010 til 2016, einna helst Vestia, Icelandic Group, Promens, Framtakssjóði Íslands, IEI, Borgun og Valitor, í skýrslu sem var gerð opinber í nóvember síðastliðnum. „Allar þessar sölur fóru fram í lokuðu ferli og í sumum tilvikum fékkst líklega lægra verð fyrir eignarhlutina en vænta mátti miðað við verðmætin sem þeir geymdu,“ sagði Ríkisendurskoðun.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir