Hæddist að hjónabandi Macrons og boðaði vanefndir í NATO

Trump gaf til kynna að NATO myndi ekki virka ef kæmi til stór­styrj­aldar. „NATO verður ekki til staðar ef við lendum í því stóra,“ sagði hann.

Macron og Trump
Macron og Trump Takast hér í hendur á frið­ar­ráð­stefnu um Gaza í októ­ber í fyrra, en síðan þá hefur ófriður brot­ist út eftir ákvörðun Ísraela og Banda­ríkja­manna. Mynd: AFP

Emmanuel Macron, for­seti Frakk­lands, sagði í dag að háðs­glósur Donalds Trump Banda­ríkja­for­seta um hjóna­band sitt verð­skuld­uðu ekki svar og kall­aði þær „hvorki smekk­legar né við hæfi“.

En eftir margra daga spennu vegna árása Banda­ríkj­anna og Ísraels á Íran og vegna NATO, lét greini­lega pirr­aður Macron vaða og sagði „það er of mikið talað“ og „þetta er engin sýn­ing“.

Hæddist að hjónabandinu

Í gær gerði Trump grín að Frakk­lands­for­seta og eig­in­konu hans í einka­há­deg­is­verði þar sem hann gagn­rýndi banda­menn í NATO fyrir að taka ekki þátt í stríð­inu gegn Íran. Banda­ríkja­for­seti hermdi eftir frönskum hreim og sagði að eig­in­kona Macrons „færi afar illa með hann“ og að Macron væri enn að „jafna sig eftir hægri krók­inn“.

Í heim­sókn til Seúl sagði Macron, sem var í fylgd eig­in­konu sinnar Brigitte, að ummæli Trumps væru „hvorki smekk­leg né við hæfi“.

„Þannig að ég ætla ekki að svara þeim – þau verð­skulda ekki svar,“ sagði Macron við frétta­menn.

Áherslan ætti þess í stað að vera á „vinnu að því að draga úr spennu“ í Mið-Aust­ur­löndum og vopna­hlé, sagði Macron.

„Það er of mikið talað og það er út um allt,“ sagði Frakk­lands­for­seti og vís­aði þar greini­lega til fjöl­margra stefnu­breyt­inga Trumps.

„Við þurfum öll á stöð­ug­leika, ró og friði að halda – þetta er engin sýn­ing!“ sagði Macron.

Brigitte og MelaniaAðeins er vika síðan að franska for­seta­frúin Brigitte Macron heim­sótti Melaniu Trump í Hvíta húsið, þar sem banda­ríska for­seta­frúin kynnti hug­myndir um að nýta vél­menni í kennslu.

Fólk deyr og forsetinn hlær

Nýjasta árás Trumps á Macron reitti franska stjórn­mála­menn til reiði, jafn­vel póli­tíska and­stæð­inga Frakk­lands­for­seta.

„Í hrein­skilni sagt er þetta ekki við hæfi,“ sagði Yaël Braun-Pivet, for­seti neðri deildar franska þings­ins.

„Við erum núna að ræða fram­tíð heims­ins. Núna í Íran hefur þetta afleið­ingar fyrir líf millj­óna manna, fólk er að deyja á víg­vell­inum og við erum með for­seta sem er að hlæja, sem er að gera grín að öðrum,“ sagði hún við franceinfo.

Jafnvel Manuel Bompard, odd­viti vinstri­flokks­ins France Unbowed, sem er oft gagn­rýn­inn á for­set­ann, hljóp til varnar Macron.

„Þú veist hversu mik­ill ágrein­ingur minn er við for­set­ann, en að Donald Trump skuli tala við hann svona og tala um eig­in­konu hans á þennan hátt – mér finnst það algjör­lega óásætt­an­legt,“ sagði Bompard við sjón­varps­stöð­ina BFMTV.

Íhalds­sama franska dag­blaðið Le Figaro sagði: „Enn eitt umdeilt útspil frá Donald Trump.“

„Enn að jafna sig“

Trump gerði grín að Macron og Frökkum í mynd­bandi sem birt­ist stutt­lega á YouTube-rás Hvíta húss­ins áður en lokað var á mynd­bandið.

„Við þurftum ekki á þeim að halda, en ég spurði samt,“ sagði Trump.

„Ég hringi í Frakk­land, í Macron – en eig­in­kona hans fer afar illa með hann. Enn að jafna sig eftir hægri krók­inn,“ sagði Trump.

Banda­ríkja­for­seti vís­aði til frétta­mynd­bands frá maí 2025 sem virt­ist sýna Brigitte Macron ýta við and­liti Frakk­lands­for­seta í ferð til Víetnam, sem Macron hafn­aði síðar sem hluta af fals­upp­lýs­inga­her­ferð.

Þá hafn­aði Macron öllum „heim­il­is­erjum“ hans og  eig­in­kon­unnar og sagði að þau hefðu verið „að grín­ast eins og við gerum oft“.

„Og ég sagði: „Emmanuel, við myndum gjarnan vilja fá hjálp við Persaflóa þótt við séum að setja met í að útrýma vondu fólki og skjóta niður flug­skeyti. Við myndum gjarnan vilja fá hjálp. Gætirðu vin­sam­leg­ast sent skip strax?‘“ hélt Trump áfram.

Síðan hermdi hann eftir frönskum hreim til að gefa meint svar Macrons: „‚Nei, nei, nei, við getum ekki gert það, Donald. Við getum gert það eftir að stríðið er unnið,‘“ sagði hann.

„Ég sagði: ‚Nei, nei, ég þarf ekki á því að halda eftir að stríðið er unnið, Emmanuel,‘“ sagði Trump.

„NATO verður ekki til staðar ef við lendum í því stóra“
Donald Trump

„Þannig að ég lærði um NATO – NATO verður ekki til staðar ef við lendum í því stóra, þú veist hvað ég meina með því stóra,“ sagði Trump, án þess að útskýra það nánar.

Hann kall­aði NATO einnig „papp­írstígris­dýr“, nýjasta útspil Trumps og helstu emb­ætt­is­manna hans gegn Atl­ants­hafs­banda­lag­inu síðan hann sneri aftur í Hvíta húsið á síð­asta ári.

Á þriðju­dag sagði Marco Rubio utan­rík­is­ráð­herra að Banda­ríkin „verði að end­ur­skoða“ sam­band sitt við NATO þegar stríð­inu gegn Íran er lokið.

Kjósa
21
Hvernig finnst þér þessi grein? Skráðu þig inn til að kjósa.

Veistu meira?

Athugasemdir (1)

Skráðu þig inn til að skrifa athugasemd eða kjósa.
  • Magnús Mörður Gígja skrifaði
    Norður-Atlantshafsbandalagið (NATO) Hvað er það sem sá Guli í Ameríku skilur ekki í nafninu á þessu bandalagi?
    https://youtube.com/clip/Ugkxe-3h_6wCvoKRGq8tizxx8-B9BEieVy7m?si=wyafT9sEvUChoZ1k
    0
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.
Tengdar greinar

Íransstríðið

Mest lesið

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
5
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár