Tómas Guðbjartsson

6. nóvember 2017 Rann­sókn­ar­nefndin um plast­barka­málið kynnir skýrslu sína. Vilja að ekkja Andemari­ams Beyene fái skaða­bætur út af með­ferð­inni á eig­in­manni hennar. Tómas Guð­bjarts­son gagn­rýndur harð­lega fyrir aðkomu sína að hluta plast­barka­máls­ins en hreins­aður af aðkomu sinni að öðrum þáttum.

3. nóvember 2017 Tómas Guð­bjarts­son brjóst­hols­skurð­læknir er álit­inn sam­sekur Paulo Macchiarini í vís­inda­legu mis­ferli út plast­barka­að­gerðum og -rann­sóknum. Rann­sókn­ar­skýrsla um plast­barka­málið er vænt­an­leg.

12. október 2017 Ítalski skurð­lækn­ir­inn Paolo Macchiarini verður ekki ákærður fyrir mann­dráp af gáleysi vegna plast­barka­að­gerð­anna á þremur ein­stak­lingum sem hann gerði í Svíþjóð á árunum 2011 til 2013. Fyrsti plast­barka­þeg­inn, Andemariam Beyene, var sjúk­lingur á Land­spít­al­anum og sendi sjúkra­húsið hann á Karol­inska-sjúkra­húsið í Stokk­hólmi þar sem hann gekkst undir aðgerð­ina. Rannsókn stendur nú yfir á plast­barka­mál­inu á Íslandi.

25. ágúst 2017 Rann­sókn­ar­skýrslan um plast­barka­málið átti að vera til­búin í vor. Vegna „ófyr­ir­séðra aðstæðna“ þurfti að bíða með útgáfu hennar.

23. júní 2016 Ítalski skurð­lækn­ir­inn Paulo Macchiarini neitar ásök­unum um mann­dráp af gáleysi í plast­barka­að­gerð­unum. Andemariam Beyene var sendur til Karol­inska-sjúkra­húss­ins af íslenska lækn­inum Tómasi Guð­bjarts­syni í maí 2011 þar sem ákveðið var að græða í hann plast­barka. Enginn starfs­maður Land­spít­ala hefur verið tek­inn í skýrslu hjá ákæru­vald­inu. Tómas var svo með­höf­undur um að vís­inda­grein um aðgerð­ina á Andemariam þar talað var um að hún hefði heppn­ast vel.

1. apríl 2016 Karol­inska-sjúkra­húsið afhendir samn­ing­inn sem Sjúkra­trygg­ingar Íslands gerðu við spít­al­ann um fyrstu plast­barka­að­gerð­ina. Kostn­aður Sjúkra­trygg­inga vegna fyrstu plast­barka­að­gerð­ar­innar á Andemariam Beyene gat mest orðið rúmar 22 millj­ónir króna. Tómas Guð­bjarts­son skurð­læknir bar ábyrgð á eft­ir­með­ferð Andemari­ams sam­kvæmt samn­ingnum.

28. mars 2016 Tölvu­póstar í Macchiarini-mál­inu, sem aldrei áður hafa verið birtir opin­ber­lega, sýna hvernig reglur voru brotnar í mál­inu. Paulo Macchiarini og yfir­læknir á Karol­inska-sjúkra­hús­inu, Richard Kuy­len­sti­erna, tóku ákvörðun um að gera plast­barka­að­gerð­ina á Andemariam Beyene í sam­ein­ingu og reyndu svo að fá sænsku vís­inda­siða­nefnd­ina og sænska eft­ir­lit­lits­stofnun til að stað­festa aðgerð­ina. Sam­þykkið var aldrei veitt en Kuy­len­sti­erna gaf sér að svo hefði verið.

16. mars 2016 Sænsk rann­sókn­ar­nefnd kemur til Íslands í næsta mán­uði. Kjell Asplund sem leiðir rann­sókn­ina á plast­barka­mál­inu segir að rætt verði við þá aðila sem komu að með­ferð Andemari­ams Beyene. Rann­sóknir sænskra aðila á plast­barka­mál­inu teygja sig til Íslands með beinum hætti en plast­bark­að­gerðir Paulo Macchiarinis geta leitt af sér ákærur í Svíþjóð, meðal ann­ars fyrir mann­dráp.

14. mars 2016 Birgir Jak­obs­son, land­læknir og fyrr­ver­andi for­stjóri Karol­inska-sjúkra­húss­ins í Stokk­hólmi, skrif­aði undir ráðn­ingu Paulo Macchiarinis til Karol­inska-sjúkra­húss­ins árið 2010. Hann neit­aði hins vegar að end­ur­ráða Macchiarini þar sem plast­barka­að­gerðir hans höfðu ekki virkað vel og hann sinnti ekki sjúk­lingum sínum. Hann segir stærsta lær­dóm­inn í mál­inu að háskólar megi ekki ákveða klínískar með­ferðir á sjúk­lingum.

8. mars 2016 Fundaði um málið í síð­ustu viku þar sem skiptar skoð­anir komu fram. Sumir af kenn­urum lækna­deildar vildu rann­saka plast­barka­málið. Deild­ar­for­seti lækna­deildar, Magnús Karl Magn­ús­son flutti erindi um stofn­frumur á mál­þingi um aðgerð­ina og studdi hann það mat að rann­sókn væri óþarf. Háskóli Íslands, tveir íslenskir læknar og Land­spít­al­inn tengj­ast mál­inu sem sætir mörgum rann­sóknum í Svíþjóð.

7. mars 2016 Tölvu­póstur frá Richard Kuy­len­sti­erna, lækni á Karol­inska-sjúkra­hús­inu, til Paulo Macchiarinis sýnir að byrjað var að skipu­leggja að græða plast­barka í Andemariam Beyene áður en hann var sendur til Sví­þjóðar frá Íslandi. Flugmiði Andemari­ams sýnir hins vegar að hann vissi ekk­ert um það þar sem hann ætl­aði bara að vera í Svíþjóð í fjóra daga. Macchiarini-málið er orðið að alþjóð­legu hneyksl­is­máli sem teng­ist Íslandi náið í gegnum Andemariam og lækni hans Tómas Guð­bjarts­son.

23. febrúar 2016 Plast­barka­málið er alþjóð­legt hneyksl­is­mál. Tveir íslenskir læknar eru aðilar að mál­inu og tvær virt­ustu stofn­anir lands­ins. Tölvu­póstar sýna að Tómas Guð­bjarts­son og Paolo Macchiarini töl­uðu saman um við­brögð við gagn­rýni á fyrstu aðgerð­ina.