Laugaland/Varpholt

5. október 2022 „Ég beið bara og beið eftir að vera boðuð í við­tal. Það gerð­ist aldrei,“ segir Harpa Særós Magn­ús­dóttir, sem vistuð var á Lauga­landi árið 2000. Að minnsta kosti þrír fengu aldrei boð um við­tal við rann­sókn­ar­nefnd­ina.

3. október 2022 Konur sem vistaðar voru á með­ferð­ar­heim­il­inu Varp­holti og Lauga­landi eru ósáttar við þá nið­ur­stöðu að ekki séu vís­bend­ingar um að þar hafi verið beitt alvar­legu eða kerf­is­bundnu lík­am­legu ofbeldi. Vitn­is­burður á þriðja tug kvenna um að svo hafi verið sé að engu hafður í skýrslu um rekstur með­ferð­ar­heim­il­is­ins.

2. október 2022 65 börn voru vistuð á með­ferð­ar­heim­il­inu í Varp­holti og á Lauga­landi á árunum 1997 til 2007. Þar voru þau beitt kerf­is­bundnu and­legu ofbeldi auk þess sem fjöldi þeirra lýsir því að hafa verið beitt lík­am­legu ofbeldi. Sextán konur sem vistaðar voru á með­ferð­ar­heim­il­inu stíga nú fram og skila skömminni þangað sem hún á heima, til for­stöðu­hjóna heim­il­is­ins á þessum tíma, starfs­fólks og barna­vernd­ar­yf­ir­valda sem brugð­ust þeim.

2. október 2022 Börn á með­ferð­ar­heim­il­inu Varp­holti og Lauga­landi voru beitt kerf­is­bundnu, and­legu ofbeldi sam­kvæmt nið­ur­stöðu rann­sókn­ar­nefndar. Sláandi lýs­ingar er að finna í fund­ar­gerð­ar­bókum starfs­manna. Þar er einnig að finna frá­sagnir af alvar­legu lík­am­legu ofbeldi.

30. september 2022 Þeim sem vistaðir voru á með­ferð­ar­heim­il­inu í Varp­holti og á Lauga­landi hefur verið sent boð um að þiggja fund í mennta- og barna­mála­ráðu­neyti Ásmundar Einars Daða­sonar. Tilefnið er að ræða skýrslu um rekstur heim­il­is­ins og þær vænt­ingar sem fólk hefur til aðgerða í fram­hald­inu.

14. september 2022 Nið­ur­staða skýrslu Gæða- og eft­ir­lits­stofn­unar vel­ferð­ar­mála slær því föstu að stúlkur sem vistaðar voru á með­ferð­ar­heim­il­inu hafi verið beittar and­legu ofbeldi. Yfir helm­ingur þeirra sem rætt var við lýsti því að hafa verið beittar lík­am­legu ofbeldi og fjöldi til við­bótar stað­festi að hafa orðið vitni að slíku. Barna­vernd­ar­stofa brást hlut­verki sínu.

31. ágúst 2022 Konur sem vistaðar voru á með­ferð­ar­heim­il­inu Lauga­landi hafa ítrekað síð­ustu mán­uði spurst fyrir um hvað líði nið­ur­stöðum rann­sóknar á því hvort þar hafi þær verið beittar ofbeldi. Fyr­ir­spurnum þeirra hefur ekki verið svarað frá því í vor. Stefnt er að því að gefa út grein­ar­gerð um rann­sókn­ina um miðjan sept­em­ber.

28. júní 2022 Til stóð að kynna ráð­herrum nið­ur­stöður rann­sóknar á því hvort börn hefðu verið beitt ofbeldi á með­ferð­ar­heim­il­inu Lauga­landi á morgun, 29. júní. Ekki verður af því og enn er alls óvíst hvenær skýrslan verður gefin út.

18. júní 2022 Kona sem vistuð var á með­ferð­ar­heim­il­inu Varp­holti og ber að hafa verið beitt ofbeldi af Ingjaldi Arn­þórs­syni, for­stöðu­manni þar, segir vinnu­brögð nefndar sem rann­saka á heim­ilið fyrir neðan allar hellur. Aldrei hafi verið haft sam­band við hana til að upp­lýsa um gang mála eða kanna líðan hennar. „Mér finnst að það hefði átt að útvega okkur sál­fræði­þjón­ustu,“ segir Anna María Ing­veldur Larsen. Hún hefur misst alla trú á rann­sókn­inni.

18. júní 2022 Sigrún Júl­í­us­dóttir, sem var í vist­heim­ila­nefnd, seg­ist telja eðli­legt að rann­sókn­inni á Varp­holti og Lauga­landi lyki með til­lögum að aðgerðum. Og að það hefði átt að bjóða konum sem þar voru vistaðar sál­fræði­að­stoð.

18. júní 2022 Rann­sókn­ar­skýrslu um hvort ofbeldi hafi verið beitt á með­ferð­ar­heim­il­inu Lauga­landi, áður Varp­holti, var skilað um síð­ustu mán­aða­mót. Engu að síður hefur hún ekki enn verið kynnt fyrir ráð­herrum. Fimmtán mán­uðir eru síðan rann­sóknin hófst. Vinna við rann­sókn á Breiða­vík­ur­heim­il­inu, sem var rekið lengur og fleiri börn dvöldu á, tók tíu mán­uði. Konurnar sem vistaðar voru á með­ferð­ar­heim­il­inu hafa engar upp­lýs­ingar fengið um rann­sókn­ina.