Öllum sóttvarnaraðgerðum innanlands verði aflétt eftir mánuð

Öllum sótt­varna­ráð­stöf­unum inn­an­lands verður aflétt eftir fjórar vikur, sam­kvæmt því sem Svandís Svav­ars­dóttir heil­brigð­is­ráð­herra til­kynnti eftir fund rík­is­stjórn­ar­innar í dag.

Aðgerðum verður aflétt í tveimur skrefum og fyrra skrefið tekur gildi á mið­nætti í kvöld, en ráð­gert er að öllum sam­komu­tak­mörk­unum inn­an­lands verði aflétt 18. nóv­em­ber.

Á morgun mega, sam­kvæmt því sem Svandís sagði við frétta­menn, 2.000 manns koma saman auk þess grímu­skyldu verður aflétt (að frá­töldum sér­stökum reglum á heil­brigð­is­stofn­unum) og opn­un­ar­tími skemmti­staða verður lengdur um klukku­stund frá því sem nú er.

Það þýðir að skemmti­staðir verða að hætta að hleypa fólki inn kl. 1 og vísa gestum sínum út kl. 2. Skrán­ing­ar­skyldu á við­burðum og veit­inga­húsum verður einnig aflétt.

Rík­is­stjórnin ræddi á fundi sínum í dag um nýjasta minn­is­blað Þórólfs Guðna­sonar sótt­varna­læknis, en þar setti hann fram þrjá mögu­leika hvað fram­haldið varðar; að vera áfram með óbreyttar sótt­varna­ráð­staf­anir inn­an­lands, að slaka á þeim að hluta eða að aflétta öllum tak­mörk­unum án tafar.

[adspot]

Nú er verið að aflétta aðgerðum að hluta og stefnt er að því að aflétta þeim að fullu eftir um fjórar vikur, „ef allt gengur vel,“ en haft er eftir Svandísi á vef mbl.is að áætl­unin sé sett fram með „þessum fyr­ir­vörum sem við þekkjum orðið mjög vel.“

Sótt­varna­læknir sagði í minn­is­blaði sínu að hann teldi aflétt­ingar að hluta á þess­ari stundu til dæmis geta falist í afnámi grímu­skyldu og því að fjölda­tak­mörk yrðu færð upp í 1.000-2.000 manns, eins og ákveðið hefur verið ráð­ast í.

Breytingarnar sem taka gildi á miðnætti:

• Almennar fjölda­tak­mark­anir 2.000 manns í stað 500.
• Nánd­ar­regla óbreytt 1 metri, með sömu und­an­tekn­ingum og verið hafa, s.s. á sitj­andi við­burðum og þjón­ustu sem krefst mik­illar nándar.
• Með notkun hrað­prófa má víkja frá fjölda­tak­mörk­unum og nánd­ar­reglu.
• Grímu­skyldu aflétt að frá­töldum sér­stökum reglum á heil­brigð­is­stofn­unum.
• Skrán­ing­ar­skyldu á við­burðum og veit­inga­húsum aflétt.
• Opn­un­ar­tími veit­inga­staða þar sem heim­il­aðar eru áfeng­is­veit­ingar lengdur um klukku­stund, til kl. 01:00. Rýma þarf staði fyrir kl. 02:00.