Helga Vala gagnrýnir stjórnvöld fyrir að veita börnum á flótta ekki vernd

Helga Vala Helga­dóttir, þing­maður Sam­fylk­ing­ar­innar gagn­rýnir stefnu stjórn­valda í mál­efnum hæl­is­leit­enda. Deildi hún stöðu­færslu No Borders Iceland um tvo unga drengi, 9 og 10 ára, sem staddir eru á bráða­mót­töku barna­spít­ala Hrings­ins. Segja þau annan dreng­inn vera í ann­ar­legu ástandi og að brotna niður vegna aðstæðna.

„Þetta er ákvörðun stjórn­valda. Það er ákvörðun stjórn­valda að veita ungum börnum à flótta ekki vernd. Ég skamm­ast mín djúpt og inni­lega,“ skrifar Helga Vala.[adspot]

Í upp­færðri stöðu­færslu No Borders Iceland kemur fram að brott­vísun drengj­anna hafi verið frestað tíma­bundið eftir að geð­læknir á bráða­mót­töku barna sagði stoð­deild­ar­lög­reglu­manni að ekki væri mögu­legt að brott­vísa barni sem sé svo alvar­lega þjakað af kvíða. Ekki er þó vitað hvenær brott­vísun barn­anna mun fara fram en No Borders Iceland telja það munu ger­ast seinna í vik­unni.

Einungis þrjú sveitarfélög gert þjónustusamning við Útlendingastofnun

[links]Nú þiggja um 590 umsækj­endur um vernd þjón­ustu hér á landi, þar af eru sam­an­lagt um 330 hjá sveit­ar­fé­lög­unum þremur og um 260 hjá Útlend­inga­stofnun. Útlend­inga­stofnun hefur leitað á náðir sveit­ar­fé­lag­anna og biðlað til þeirra að gerður verði þjón­ustu­samn­ingur við þessa ein­stak­linga en ein­ungis þrjú sveit­ar­fé­lög á land­inu hafa gert slíka samn­inga. Markmið stofn­un­ar­innar er að búsetu­úr­ræði séu að jafn­aði rekin á vegum sveit­ar­fé­laga en stofn­unin sinni fyrstu mót­töku í einni komu­gátt.

Í júní síð­ast­liðnum var þings­á­lykt­un­ar­til­laga sam­þykkt þess efnis að komið verði á fót ráð­gjaf­ar­stofu inn­flytj­enda. Ráð­gjafa­stofan er ætluð öllum inn­flytj­endum, flótt­ta­mönnum og hæl­is­leit­endum. Hlutverk stofn­un­ar­innar verður að bjóða inn­flytj­endum upp á aðgengi­lega ráð­gjöf um þjón­ustu rétt­indi og skyldur.