Niðurstaða um stækkun Laugardalsvallar fyrir 1. apríl

Ráð­herrar rík­is­stjórn­ar­innar, Reykja­vík­ur­borg og KSÍ hafa skrifað undir yfir­lýs­ingu um skipun starfs­hóps um upp­bygg­ingu Laug­ar­dalsvallar.

[links]Hópurinn skal gera til­lögu um hvers konar leik­vangur yrði hag­stæð­astur í Laug­ar­dal af þeim kostum sem skoð­aðir hafa verið, fjár­mögnun og kostn­að­ar­skipt­ingu út frá þeirri hug­mynd sem verður fyrir val­inu, eign­ar­hald, mögu­lega aðkomu ríkis, borgar og KSÍ að verk­inu sem og til­högun frma­kvæmda og tíma­á­ætlun. Skal hóp­ur­inn skila til­lögum sínum fyrir 1. apríl á þessu ári.

Starfs­hóp­inn skipa Benedikt Árnason, skrif­stofu­stjóri, for­sæt­is­ráðu­neyti, for­maður, Anna Sigríður Arn­ar­dóttir, lög­fræð­ingur, fyrir hönd fjár­mála- og efna­hags­ráðu­neytis, Óskar Þór Ármanns­son, sér­fræð­ingur, mennta- og menn­ing­ar­mála­ráðu­neyti, Hrólfur Jónsson, skrif­stofu­stjóri Eigna- og atvinnu­þró­unar, Reykja­vík­ur­borg, Ólöf Örv­ars­dóttir, sviðs­stjóri Umhverfis- og skipu­lags­sviðs, Reykja­vík­ur­borg, Ómar Ein­ars­son, sviðs­stjóri Íþrótta- og tóm­stunda­sviðs, Reykja­vík­ur­borg, Guðni Bergsson, for­maður Knatt­spyrnu­sam­bands Íslands, Guðrún Inga Sívert­sen, vara­for­maður Knatt­pyrnu­sam­bands Íslands, Borg­hildur Sig­urð­ar­dóttir, stjórn­ar­maður Knatt­spyrnu­sam­bands Íslands. Ráðgjafi starfs­hóps­ins er Pétur Mart­eins­sonar, fram­kvæmda­stjóri Borg­ar­brags.

[adspot]Í frétta­til­kynn­ingu frá for­sæt­is­ráðu­neyt­inu kemur fram að KSÍ hafi haft til skoð­unar um nokk­urt skeið mögu­lega upp­bygg­ingu Laug­ar­dalsvallar sem þjóð­ar­leik­vang fyrir knatt­spyrnu. „Í kjöl­far góðs árang­urs karla- og kvenna­lands­liða í knatt­spyrnu hefur farið fram umræða um stöðu Laug­ar­dalsvallar í alþjóð­legu sam­hengi en völl­ur­inn og mann­virki umhverfis hann stand­ast ekki alþjóð­legar kröfur. Knatt­spyrnu­sam­band Íslands hefur und­an­farin miss­eri skoðað ýmsa mögu­leika til úrbóta og fyrir liggur hag­kvæmni­at­hugun þar sem sviðs­myndir vegna mögu­legrar upp­bygg­ingar eru kynntar. Ríki og Reykja­vík­ur­borg hafa stutt verk­efnið með fjár­fram­lögum, m.a. vegna kostn­að­ar­grein­ingar,“ segir í til­kynn­ing­unni. Nú þegar liggi fyrir hag­kvæmni­at­hugun, rekstr­ar­á­ætlun, for­hönnun og kostn­að­ar­mat mann­virkja liggi fyrir að leggja mat á und­ir­bún­ings­gögnin og taka ákvörðun um fram­hald máls­ins.

Katrín Jak­obs­dóttir, for­sæt­is­ráð­herra, Bjarni Bene­dikts­son, fjár­mála- og efna­hags­ráð­herra, Lilja Alfreðs­dóttir, mennta- og menn­ing­ar­mála­ráð­herra, Dagur B. Egg­erts­son, borg­ar­stjóri og Guðni Bergsson, for­maður KSÍ, und­ir­rit­uðu yfir­lýs­ing­una.