Flókið yfirborð

„Fólk svaf í tveimur hollum í gamla daga, fjóra tíma í senn. Átta tíma svefn kom bara til svo fólk gæti unnið þennan hefð­bundna vinnu­tíma.“ 

Síðast þegar Hill­billy spjall­aði við Egil var hann með stúdíó í Berlín, en nýlega keypti hann gamla myllu í Brand­en­burg, sem er aðeins fyrir utan Berlín, eða, „eins og að keyra á Þing­velli“. Egill á 70% af öllu hús­inu, sem er mjög stórt, efsta hæðin er um 200 fm og húsið er fjórar hæðir, svo les­endur geta reynt að ímynda sér þetta fal­lega, gamla hús með risa­stórum skor­steini að framan. Egill sýnir Hill­billy myndir í sím­anum. Rýmið var hrátt en þó renn­andi vatn og raf­magn. Gamlir múr­steinar og uta­n­áliggj­andi pípur. Hill­billy finnur ilm­inn af mynd­unum. „Ég er með alla efstu hæð­ina, neðstu hæð­ina og hluta af mið­hæð­inni.“ Á mið­hæð­inni er arki­tekt og verk­fræði­stofa. Það getur verið gott fyrir mynd­list­ar­mann að hafa verk­fræð­ing og arki­tekt …