Ólafur Ólafsson, einn aðaleigandi Samskipa og einn stærsti hluthafi Kaupþings, hefur verið lagður inn á Landspítalann eftir að þyrla í hans eigu brotlenti á Hengilsvæðinu í gærkvöld. Talið er að hann sé með meiðsl á hrygg og hálsi, samkvæmt mbl.is.
Tilkynning um að þyrla hefði hrapað við Nesjavelli barst um klukkan 19:45 í gær og voru þá björgunarsveitir, sjúkraflutningamenn og lögregla kallaðar á vettvang. Farþegum tókst að hringja í Neyðarlínuna úr þyrlunni, skömmu eftir að neyðarboð var sent út.
Um borð í þyrlunni voru auk Ólafs og flugmannsins, þrír erlendir viðskiptafélagar Ólafs og var hann með þá í útsýnisflugi.
Ólafur var dæmdur í fjögurra og hálfs árs fangelsi fyrir aðild sína að Al Thani málinu og er nýkominn af Kvíabryggju yfir á Vernd, eins og aðrir hlutaðeigandi.
Páll Winkel fangelsismálastjóri segir í svari sínu til Kjarnans að hann geti ekki tjáð sig um einstök mál, en reglar á Vernd um helgar sé sú að menn eigi að vera komnir inn fyrir klukkan 23:00. „Vistmenn eiga því frjálsan tíma yfir daginn um helgar. Flestir nýta þann tíma til að vera með fjölskyldu og vinum eða sinna frístundum,“ segir Páll.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir