Sjálfstæðisflokkurinn mælist nú á ný stærstur stjórnmálaflokka á Íslandi í nýrri könnun MMR. Flokkurinn mælist með 26,9 prósenta fylgi en var með 24,4 prósent í síðustu könnun. Vinstri græn mældust með næst mest fylgi, eða 23,9 prósent, sem er lækkun um 3,1 prósentustig frá því í síðustu könnun. Allar fylgisbreytingar flokkanna eru þó innan vikmarka.
Fylgi Framsóknarflokksins mælist nú 12,2 prósent, 1,5% meira en í síðustu könnun. Fylgi Pírata mælist nánast það sama og síðast, 11,6 prósent samanborið við 11,9 prósent síðast. Fylgi Samfylkingarinnar mælist átta prósent, en mældist tíu prósent í síðustu viku, sem var í fyrsta skipti frá því um mitt síðasta ár sem flokkurinn mældist í tveggja stafa tölu.
Viðreisn mælist með 6,3 prósenta stuðning, en það var 6,2 prósent í síðustu könnun, og Björt framtíð mælist með 5,2 prósent en mældist með 5,4 prósent í síðustu könnun.
Stuðningur við ríkisstjórnina mælist þremur prósentustigum hærri nú en í síðustu viku, og segjast nú 37,9 prósent styðja ríkisstjórnina. Í byrjun febrúar mældist stuðningur við ríkisstjórnina 32,6 prósent.
Könnunin var gerð dagana 17. til 24. febrúar, og heildarfjöldi svarenda var 928 einstaklingar.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir