Fjölmiðlafyrirtækið Birtingur selt til nýs eiganda

Sigríður Dagný Sig­ur­björns­dóttir, fram­kvæmda­stjóri Birtings útgáfu­fé­lags ehf., hefur samið um kaup á öllu hlutafé í fyr­ir­tæk­inu, sam­kvæmt frétt sem birt­ist á vefnum Mannlif.is í dag. Útgáfu­fé­lagið, sem gefur út tíma­ritin Vikuna, Gest­gjafann og Hús og híbýli. Síðustu þrjú árin hefur það einnig gefið út frí­blaðið Mannlíf og haldið úti vefnum mann­lif.is. Kaupin hafa verið til­kynnt til fjöl­miðla­nefndar.

Birt­ingur hafði frá árinu 2017 verið í eigu Fjár­fest­inga­fé­lags­ins Dalurinn ehf. Upp­haf­lega var það félag í eigu Árna Harð­­­­­ar­­­­­son, Róberts Wessman og þriggja ann­arra manna. Síðustu miss­eri hefur Halldór Krist­manns­son, fram­kvæmda­stjóra hjá Alvogen og náins sam­starfs­manns Róberts Wessman og Árna Harð­ar­sonar til margra ára, verið einn skráður eig­andi félags­ins.

[adspot]Birt­ingur tap­aði sam­tals 317 millj­ónum króna á árunum 2017 og 2018. Samkvæmt nýbirtum árs­reikn­ingi fyrir árið 2019 nam tapið í fyrra 236 millj­ónum króna. Samtals hefur tapið á rekstr­inum frá því að Dalurinn tók við honum árið 2017, og út síð­asta ár, numið 553 millj­ónum króna.

[links]Samhliða söl­unni á öllu hlutafé í Birtingu verður gerður sam­starfs­samn­ingur um rekstur vef­svæðis þar sem birt­ast efni um lífs­stíl, tísku, heim­ili, hönnun og mat fyrir vöru­merki Birtings. „Þar mun útgáfu­fé­lagið einnig selja áskriftir tíma­rita og bjóða upp á staf­ræna útgáfu Mannlífs. Birt­ingur fær sér­stak­lega greitt fyrir fram­leiðslu og notk­un­ar­rétt á umræddu efni,“ segir í frétt á vef Mannlífs.

Vef­svæðið verður í eigu og umsjón Halldórs Krist­manns­sonar, fyrr­ver­andi eig­anda Birtings , sem verður áfram útgef­andi Mannlífs. Allur rit­stjórn­ar­kostn­aður vegna vinnslu frétta­efnis fyrir Mannlíf ásamt rekstri og þróun vef­svæð­is­ins mun falla undir umræddan sam­starfs­samn­ing. Stefnt er að því að sam­starfið hefj­ist 1. ágúst næst­kom­andi.