Segir eftirlit Fiskistofu veikburða og ómarkvisst

Eft­ir­lit Fiski­stofu með brott­kasti er veik­burða og ómark­vis­st, sam­kvæmt stjórn­sýslu­út­tekt Rík­is­end­ur­skoð­unar á eft­ir­liti Fiski­stofu sem kynnt var í gær. Í úttektinni kemur einnig fram að eft­ir­lit með stofn­un­inni með vigtun sjáv­ar­afla sé tak­markað og efast megi um að eft­ir­litið skili til­ætl­uðum árangri. ­Jafn­framt telur Ríkisendurskoðun að sam­þjöppun afla­heim­ilda styðji ekki með við­un­andi hætti við mark­mið laga um stjórn fisk­veiða og umgengi um nytja­stofna sjáv­ar.

Vísa því á bug að brott­kast sé óveru­legt á Íslandi

[links]Stjórn­sýslu­út­tekt Rík­is­end­ur­skoð­unar var unnin að beiðni Alþing­is. Í úttekt­inni er mati atvinnu- og nýsköp­un­ar­ráðu­neyt­is­ins um að brott­kast sé „óveru­legt“ á Íslandi vísað á bug. Rík­is­end­ur­skoðun bendir á á að innan fisk­veiði­kerf­is­ins sé mik­ill hag­rænn hvati til þess að stunda brott­kast. Vegna veik­leika ­eft­ir­lits­ins sé í raun engin for­senda til þess að full­yrða um umfang brott­kasts hér við land. Jafn­framt segir í úttekt­inni að við upp­lýs­inga­öflun vegna úttekt­ar­innar hafi komið fram skýrar áhyggjur af því að brott­kast ætti sér stað í tals­verðum mæli. Rík­is­end­ur­skoðun gagn­rýnir það sér­stak­lega að ­mat ráðu­neyt­is­ins á umfangi brott­kasts bygg­ist meðal ann­ars á lýs­ingum hags­muna­að­ila.

Rík­is­end­ur­skoðun telur að það sé Fiski­stofu í raun ómögu­legt að sinna öllu því eft­ir­lit­i sem henni ber að sinna, meðal ann­ars vegna skorts á úrræðum og við­ur­lög­um. Þá er tekið fram að hvorki liggi fyrir skýr ár­ang­urs­mark­mið né árang­urs­mæl­ingar í eft­ir­liti með brott­kasti og að auka þurfi við­veru eft­ir­lits­manna um borð í fiski­skipum og horfa til­ ­tækninýj­unga við eft­ir­lit. Þá er lag­t til að gerðar verði skýrar kröfur um að­stöðu til vigt­unar og eft­ir­lit hafn­ar­yf­ir­valda.

Auka megi samstarf Fiskistofu og Landhelgisgæslunnar

Í skýrsl­unni mælist Rík­is­end­ur­skoðun til þess að kannað verði hvort auka megi sam­starf Fiski­stofu og Land­helg­is­gæslu Íslands við eft­ir­lit með brott­kasti. Eyþór Björns­son, Fiski­stofu­stjóri, sagði í sam­tali við Morg­un­blaðið í dag að Fiski­stofu vanti meiri mann­skap líkt og komi fram í skýrsl­unni og að rétt sé að skoða þurfi reglu­verkið. Hann segir jafn­framt að öll atriði skýrsl­unnar verði skoðuð inn­an­dyra hjá Fiski­stofu. Hann segir jafn­framt að nú þegar sé unnið að því að efla starf­semi hafn­anna og fylgir Land­helg­is­gæslan því eftir. „En eins og stendur í skýrsl­unni þá þarf að auka við­veru eft­ir­lits­manna um borð en það ger­ist ekki nema með meiri mann­skap,“ segir Eyþór að lokum.

Formaður Viðreisnar segir ábyrgð útgerðar mikla

Mynd: Bára Huld Beck

Þor­gerður Katrín Gunn­ars­dóttir, for­maður Við­reisnar, segir ábyrgð útgerða­manna mikla í bar­átt­unni gegn brott­kasti, í sam­tali við Frétta­blaðið í dag. „Það þarf að taka þetta mál föstum tökum. Það er margt í húfi, meðal ann­ars orð­spor okkar sem fisk­veiði­þjóðar sem bless­un­ar­lega tók þá ákvörðun að vera með sjálf­bærar veiðar og byggja á vís­inda­legri nálgun,“ segir Þor­gerður Katrín, um nið­ur­stöðu stjórn­sýslu­út­tekt­ar­innar um Fiski­stofu.

Þor­gerður ítrekar að útgerðin verði að standa undir ábyrgð. „Lang­flestir gera það en SFS verður hér að sýna afger­andi for­ystu og taka hressi­lega á þessu þó að ein­hverjir innan þeirra raða verði mis­sáttir. Þetta er ekki einka­mál útgerð­ar­manna og sjó­manna. Langt í frá, þótt rík­is­stjórnin vilji vinna málið þannig,“ segir Þor­gerður að lokum.