Hallur segir Ísland í skotlínu Soros og guðlausra sósíalista sem vilji „afnám vestrænnar siðmenningar“

Sigmundi Davíð Gunn­laugs­syni var velt úr valda­stóli í sið­lausri árás sós­í­alista á Íslandi og Panama­skjölin eru runnin undan rifjum „hins kald­rifj­aða sós­í­alista George Soros“. Þetta full­yrðir Hallur Hallsson, blaða­maður, rit­höf­undur og höf­undur skáld­sög­unnar Váfugl, í pistli sem birt­ist í Morg­un­blað­inu í dag. 

Segir Hallur að Soros stefni að afnámi þjóð­rík­is­ins fyrir gamlan draum komm­ún­ista um alheims­stjórn. Ísland sé í skot­línu þeirra afla sem vilji grafa undan vest­rænni sið­menn­ingu, lýð­ræði, frelsi og jafn­rétti. 

„Öfl guð­leysis á Íslandi; íslenskir sós­í­alistar í VG og Sam­fylk­ingu ásamt Pírötum, veifa þessu tré. Líkt og alþjóða­hyggja komm­ún­ista freist­aði þess að leggja undir sig heim­inn á 20. öld, þá freista guð­lausir sós­í­alistar 21. aldar þess að feta í sama fót­spor,“ skrifar Hallur. 

Mynd: Pressphotos/Geirix

Hann segir Bjarna Bene­dikts­son og Sigmund Davíð hafa haldið á mál­stað Íslands gagn­vart erlendum hræ­gömmum sem komu sér fyrir í þrota­búum hinna föllnu íslensku banka. 

„Þeir standa vörð um íslenska lýð­veldið. Sós­í­alistar í VG, Sam­fylk­ingu með stuðn­ingi Pírata hins vegar þjón­uðu hinum útlendu öflum; freist­uðu að hlekkja þjóð sína í Icesave-skuldir og færðu banka­hræ­gömmum í hendur. Þeir stefna að því að færa auð­lindir þjóðar sinnar í útlendar hendur. Þeir settu 110 ára leynd­ar­lög á gjörn­inga sína og saka svo aðra um leynd­ar­hyggju! Lygin ríður aldrei við einteym­ing. Nokkrir veg­villtir sjálf­stæð­is­menn, blind­aðir af hásölum Brussel í von um veg­tyllur og brauð­mola, studdu sið­lausa gjörn­ing­ana.“ 

Telur Hallur að sós­í­alistar geri atlögu gegn íslenska lýð­veld­inu, gegn vest­rænni sið­menn­ingu, lýð­ræði og jafn­rétti. „Fólk þarf að átta sig á þess­ari atlögu úr reyk­fylltum myrkv­uðum bak­her­bergjum. Sós­í­al­ismi sem gerir út á fátækt­ar­vit­und er í eðli sínu – alltaf, alltaf, alltaf – and­lýð­ræð­is­legur.“ skrifar hann. „Ísland er í hættu, Vest­ur­lönd og vest­ræn sið­menn­ing eru í hættu að falla í guð­laust mið­alda­myrkur helsis og fátæktar í kompaníi við Kína og islam þar sem and­staða er mis­kunn­ar­laust barin niður.“

Skáld­saga Halls Halls­sonar, Váfugl, kom út árið 2008 og ger­ist í martrað­ar­kenndum heimi fram­tíðar þar sem Ísland hefur gengið í Evr­ópu­sam­bandið og misst yfir­ráð yfir auð­lindum lands­ins. Evr­ópu­þing­mað­ur­inn Daniel Hannan hefur full­yrt að bókin sé „besta bók frá Íslandi síðan Sjálf­stætt fólk“ og árið 2012 var haldin sér­stök kynn­ing á bók­inni í Westminster-höll. Bjarni Bene­dikts­son, for­maður Sjálf­stæð­is­flokks­ins og núver­andi for­sæt­is­ráð­herra, fór til Bret­lands og hélt fyr­ir­lestur um gildi bók­ar­innar og stöðu Íslands utan Evr­ópu­sam­bands­ins sem sjá má hér til hliðar.