Fréttamiðillinn The Guardian skilaði rekstrarhagnaði fyrir fjárhagsárið 2018 til 2019 upp á 800.000 pund eða 127,6 milljónir íslenskra króna, samanborið við 57 milljóna punda tap síðustu þrjú árin þar á undan. Frá þessu er greint í frétt The Guardian í dag.
Þetta er í fyrsta skipti í nokkurn tíma sem miðillinn nær að vera hinum megin við núllið en í fréttinni segir að ástæðan fyrir breyttri fjárhagsstöðu sé metaðsókn í vefinn, minni kostnaður og aukin fjárframlög frá lesendunum sjálfum.
Samkvæmt miðlinum styrkja 655.000 manns hann mánaðarlega en ásamt því höfðu 300.000 manns styrkt hann í eitt skipti á síðasta ári.
Athygli vekur að lestur á vefmiðlinum hefur aukist til muna síðustu þrjú árin, úr 790 milljónum flettingum á mánuði í janúar 2016 í 1,35 milljarð flettinga í mars 2019.
Katharine Viner, sem gegnir ritstjórastöðu hjá The Guardian, segir að á tímum óvenjulegs pólitísks og efnahagslegs umróts hafi þörf fyrir góða og sjálfstæða blaðamennsku og fréttaskýringar aldrei verið meiri.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir