9. febrúar 2024 Ólaf­ur Jó­hann Ólafs­son at­hafna­skáld frest­ar því eins og hann get­ur að íhuga for­setafram­boð. En hann finn­ur fyr­ir áhuga í sam­fé­lag­inu.

9. febrúar 2024 Breið­fylk­ing stétt­ar­fé­laga seg­ir að Sam­tök at­vinnu­lífs­ins hafi hafn­að því að for­sendu­ákvæði verði í kjara­samn­ingi, sem verji launa­fólk ef markmið um lægri verð­bólgu og vexti nást ekki. Í ljósi þess sé tíma­bært að lýsa við­ræð­ur milli deilu­að­ila „ár­ang­urs­laus­ar“.

9. febrúar 2024 Rík­is­stjórn­in hef­ur kom­ið sér sam­an um frum­varp sem kveð­ur á um að rík­is­sjóð­ur muni bjóð­ast til þess að kaupa íbúð­ar­hús­næði Grind­vík­inga og taka yf­ir íbúð­ar­lán sem á þeim hvíla. Til­kynnt var á vef stjórn­ar­ráðs­ins að frum­varp­ið hafi ver­ið sam­þykkt á rík­is­stjórn­ar fundi í dag og birt í sam­ráðs­gátt. Kostn­að­ur að­gerð­ar­inn­ar er met­inn á 61 millj­arð króna. Sér­stakt fé­lag verð­ur stofn­að til að ann­ast fram­kvæmd­ina.

9. febrúar 2024 Play stefn­ir á að­al­mark­að Nas­daq á fyrri hluta þessa árs. Sömu­leið­is ætl­ar fyr­ir­tæk­ið að halda ann­að hluta­fjár­boð með það fyr­ir sjón­um að afla fjóra til fimm millj­arða króna til þess að styrkja láu­a­fjár­stöðu fyr­ir­tæk­is­ins. Heild­artap Play nam 4,9 millj­örð­um í lok árs 2023 og í árs­reikn­ingi fé­lags­ins er sett­ur fyr­ir­vari við rekstr­ar­hæfi fyr­ir­tæk­is­ins.

9. febrúar 2024 Benjam­in Net­anya­hu, fyr­ir­skip­aði rétt í þessu rým­ingu Rafah, þar sem alls­herj­ar­árás Ísra­els­hers sé yf­ir­vof­andi. 1,5 millj­ón manns sem leit­að hafa sér skjóls á Rafah geta hins veg­ar ekk­ert flú­ið, Ísra­els­her um­kring­ir borg­ina í norðri og landa­mær­in við Egypta­land til suð­urs eru lok­uð. Lækn­ir seg­ir stríð­an straum af saur fylla göt­urn­ar og að mann­fall geti tvö­fald­ast eða þre­fald­ast beiti Ísra­el­ar sömu vopn­um á Rafah og þeir gera ann­ars stað­ar á Gaza.

9. febrúar 2024 Bryn­hild­ur Björns­dótt­ir, sitj­andi vara­þing­mað­ur Vinstri grænna, seg­ir þing­flokk sinn sam­stíga í að vilja sækja dval­ar­leyf­is­haf­ana sem fast­ir eru á Gaza. Það sé þó ekki hlut­verk for­sæt­is­ráð­herra að stíga inn á valdsvið annarra ráð­herra. Sig­mar Guð­munds­son, þing­mað­ur Við­reisn­ar, seg­ir að mál­ið snú­ist um sið­ferð­is­lega skyldu – ekki bara laga­lega ábyrgð.

9. febrúar 2024 Dag­ur B. Eggerts­son, fyrr­ver­andi borg­ar­stjóri, seg­ir að gott væri ef kerfi Veitna og HS-veitna væri tengt með hring­teng­ingu og að virkj­að yrði frek­ar í Krýsu­vík. Þetta myndi tryggja heitt vatn á svæð­inu jafn­vel þótt að­flutn­ings­leiðsl­ur færu í sund­ur. Ekki er úti­lok­að að gossprung­ur gætu ein­hvern­tíma opn­ast ná­lægt Nesja­valla­virkj­un sem þjón­ust­ar höf­uð­borg­ar­svæð­ið.

9. febrúar 2024 Móð­ir og þrír dreng­ir henn­ar sem set­ið hafa föst á Gaza, þrátt fyr­ir að vera með dval­ar­leyfi á Ís­landi, eru nú á leið til lands­ins. Með í för eru rit­höf­und­arn­ir Krist­ín Ei­ríks­dótt­ir og Berg­þóra Snæ­björns­dótt­ir auk Maríu Lilju Þrast­ar­dótt­ur fjöl­miðla­konu. Ís­lensku kon­urn­ar þrjár hafa und­an­farna viku unn­ið að því að hjálpa mæðg­in­un­um kom­ast frá átaka­svæð­inu og til fjöl­skyldu­föð­ur­ins sem býr á Ís­landi.

9. febrúar 2024 Gangi allt að ósk­um verð­ur hiti kom­inn á hús á Suð­ur­nesj­um á sunnu­dag en jafn­vel ekki fyrr en þá um kvöld­ið. Fara verð­ur spar­lega með raf­magn­ið því kerf­in þola ekki meira en einn öfl­ug­an hár­blás­ara á hverju heim­ili, sagði Víð­ir Reyn­is­son.

9. febrúar 2024 Fyrr­ver­andi for­stjóri Mar­el, sem hætti skyndi­lega störf­um í fyrra­haust eft­ir ára­tug í stöð­unni, var með 14,9 millj­ón­ir króna á mán­uði í laun í fyrra. Hann fékk auk þess ein­skipt­is­greiðslu upp á 158 millj­ón­ir króna.

9. febrúar 2024 Veru­leg­ur skort­ur er á bæði köldu og heitu vatni í flug­stöð­inni á Kefla­vík­ur­flug­velli. Loka hef­ur þurft hluta sal­ern­is­að­stöðu og kalt er að verða inn­an­dyra.

9. febrúar 2024 Vegna leka á stofn­lögn gæti orð­ið vart við „lít­ið eða ekk­ert kalt vatn“ á Ás­brú, Háa­leit­is­hlaði og víð­ar við flug­vall­ar­svæð­ið fram eft­ir morgni.

8. febrúar 2024 Sindri Snær Birg­is­son er ákærð­ur fyr­ir að leggja á ráð­in um hryðju­verk og Ísi­dór Nathans­son fyr­ir hluteild í mál­inu. Þeir mættu báð­ir fyr­ir dóm í dag, báru af sér all­ar sak­ir og lýstu gríð­ar­legri van­líð­an: „Það er bú­ið að eyði­leggja líf mitt.“

8. febrúar 2024 Í mynd­skeiði sem ljós­mynd­ari Heim­ild­ar­inn­ar tók fyrr í dag má sjá verk­taka í kapp­hlaupi við tím­ann að fylla upp í skarð í varn­ar­garð­in­um sem um­lyk­ur virkj­ana­svæði HS Orku og Bláa lón­ið. Í mynd­band­inu sést í gröf­ur og jarð­ýt­ur færa laus­an jarð­veg yf­ir skarð­ið sem ligg­ur við Norð­ur­ljósa­veg, skammt frá flæð­andi hraun­inu.

8. febrúar 2024 Stór hluti lax­eldisk­vía á Ís­landi stað­sett­ur inn­an sigl­inga­leiða. Þeg­ar sjókvía­eld­is­fyr­ir­tæk­in sem nú eru starf­andi hér á landi hófu rekst­ur fyr­ir rúm­um ára­tug voru rík­is­stofn­an­ir ekki mik­ið að pæla í sigl­inga­ör­yggi í tengsl­um við stað­setn­ingu kví­anna. Þetta hef­ur breyst.

8. febrúar 2024 Mynd­band sem ljós­mynd­ari Heim­ild­ar­inn­ar tók í dag sýn­ir glöggt eyði­legg­ing­ar­mátt hraun­flæð­is­ins þeg­ar það fór yf­ir heita vatns­lögn HS-Veitna. Ekk­ert heitt vatn er þvi á Reykja­nes­inu. Al­manna­varn­ir lýstu fyr­ir skömmu yf­ir neyð­ar­ástandi og biðla til íbúa að tak­marka notk­un sína á því litla magni af heitu vatni sem eft­ir er í miðl­un­ar­tönk­um