Frá banka­hrun­inu haustið 2008 og allt fram á þennan dag hefur stór hópur fólks höndlað með gríð­ar­lega fjár­muni og eignir föllnu bank­anna. Fólk sem skipað var í skila­nefndir og slita­stjórnir hefur margt hvert fengið tugi millj­óna greiddar fyrir störf sín, sum hver hund­ruð millj­óna. Af því leiðir að fólk sem hefur tekið ákvarð­anir sem hafa haft gríð­ar­leg áhrif á end­ur­reisn íslensks efna­hags­lífs til­heyrir litlum hópi auð­fólks í íslensku sam­fé­lagi. Mörg þeirra sem hvað mest hefur kveðið að í þessum efnum eru hluti af rík­asta eina pró­senti lands­manna, og sumir hverjir í hópi þeirra ofur­ríku, 0,1 pró­sent­inu, en um báða hópana hefur Stundin fjallað ítar­lega áður. Á sama tíma hafði banka­hrunið alvar­legar afleið­ingar fyrir þús­undir Íslend­inga sem í sumum til­fellum töp­uðu öllu sínu. 

Sumt það fólk sem sett­ist í skila­nefndir föllnu bank­anna og síðar einnig slita­stjórnir þeirra var komið beint innan úr þeim sömu bönkum. Fólk sem hafði vélað um rekstur …