Í ár tekur hönn­un­arteymið sem stendur að baki USEE STUDIO, þær Helga Kjerúlf og Halla Hákon­ar­dóttir, þátt í Hönn­un­ar­mars í þriðja sinn. Í fyrri skiptin tvö beittu þær æpandi og ögrandi aðferðum til að koma ákalli sínu um nátt­úru­vernd og sjálf­bærni til skila. Í fyrra skiptið með tísku­reifi og í seinna skiptið með gerð lags og tón­list­ar­mynd­bands með því. „Fyrst vorum við með tísku­reif, þar sem við spil­uðum brjál­aða reif­tón­list og vörp­uðum á vegg myndum úr tísku­iðn­að­inum sem sýna hræði­lega offram­leiðslu. Í fyrra gerðum við svo lag um svita­verk­smiðjur í sam­starfi við mynd­listar- og tón­list­ar­kon­una Katrínu Helgu Andr­és­dóttur, betur þekkt sem Special-K, sem við frum­sýndum í Kringl­unni, sem var við­eig­andi.“

Mild róttækni

Nú líta þær til mild­ari aðferða með inn­setn­ing­unni Nectar & Ambrosia í gróð­ur­húsi Norræna húss­ins, sem þær vinna í sam­vinnu við Thomas Pausz hönnuð. „Við erum að vinna með vatnið, fyrst og fremst,“ útskýrir Helga og bætir við …