Ásmundur Frið­riks­son, þing­maður Sjálf­stæð­is­flokks­ins, gagn­rýnir Pírata vegna þeirrar ákvörð­unar þing­flokks­ins að snið­ganga hátíð­ar­fund­inn á Þing­völlum í dag. Með þessu vilja Píratar mót­mæla því að Piu Kjærs­gaard, þing­for­seta Dana og fyrr­ver­andi for­manni Danska Þjóð­ar­flokks­ins, hafi verið boðið að ávarpa Alþingi á ald­ar­af­mæli full­veldis Íslend­inga.

„Pírata sýna lít­ils­virð­ingu sína á lýð­ræð­inu og skoð­unum fólks en mest er skömm þeirra við þjóð­ina að mæta ekki á þing­fund á Þing­völlum á merkum tíma­mótum í sögu sjálf­stæð­is­bar­áttu Íslend­inga,“ skrifar Ásmundur á Facebook. 

Eins og Stundin fjall­aði um í gær er Pia þekkt fyrir útlend­inga­andúð og bar­áttu sína gegn fjöl­menn­ingu og íslam. Árið 2010 kall­aði hún eftir því að stjórn­völd bönn­uðu inn­flytj­endum sem ekki væru af vest­rænum upp­runa að setj­ast að í Danmörku. Auk þess hefur hún hvatt til þess að gervi­hnatta­loft­net í hverfum inn­flytj­enda verði bönnuð og að öllum inn­flytj­endum sem gerst hefðu brot­legir við dönsk lög verði vísað úr landi. 

„Að utan­þings­manni sem hefur unnið jafn ötul­lega að því að ala á sundr­ungu, útlend­inga­hatri og Pia Kjærs­gaard hefur gert sé boðið heið­ur­sávarp á hátíð­ar­fundi sem sam­eina ætti okkur Íslend­inga, burt­séð frá trú okkar og upp­runa er hneyksli,“ segir í til­kynn­ingu sem þing­flokkur Pírata­sendi frá sér um hádeg­is­leytið í dag.

Ásmundur telur ákvörðun Pírata fela í sér lít­ils­virð­ingu við lýð­ræðið og skoð­anir Piu Kjærs­gaard. Sjálfur hefur Ásmundur marg­sinnis verið gagn­rýndur fyrir for­dóma­full ummæli um útlend­inga og múslima.