Starfs­manni á veit­inga­staðnum Gló á Lauga­vegi var sagt upp á þeim for­sendum að héðan í frá yrði þess kraf­ist að allir starfs­menn í eld­húsi væru vegan. 

Stundin hefur undir höndum upp­sagn­ar­bréfið þar sem er til­greint sér­stak­lega að upp­sögnin teng­ist fyr­ir­hug­uðum breyt­ingum á mat­seðli. „Veit­inga­stað­ur­inn á Lauga­vegi verður veg­an­staður og er þess kraf­ist að allir starfs­menn í eld­húsi séu sjálfir vegan,“ segir þar.

Sólveig Eiríks­dóttir, Solla í Gló, segir að mis­tök hafi verið gerð þegar upp­sagn­ar­bréfið var orðað með þessum hætti. Þá hafi engum öðrum starfs­mönnum verið sagt upp á þessum for­sendum.

„Við ætlum að gera stað­inn vegan, það hefur staðið til lengi. Einu kröf­urnar eru að fólk sem vinnur hjá okkur hafi áhuga á þess­ari mat­ar­gerð,“ segir Solla í sam­tali við Stundina.

Hún telur ekki við­eig­andi að tjá sig um mál­efni ein­stakra starfs­manna en stað­festir að engin skil­yrði séu sett um matar­æði þeirra.