Aðfara­nótt mánu­dags biðu venes­ú­elskir rík­is­borg­arar um allan heim í ofvæni eftir nið­ur­stöðum for­seta­kosn­ing­anna í land­inu. Manuel Alej­andro Palencia – lög­maður, ensku­kenn­ari og hæl­is­leit­andi á Íslandi – var einn af þeim sem kveið því sem koma skyldi. 

Svo kom það.

„Við byrjum í Venes­ú­ela þar sem lands­kjör­stjórn segir Nicolas Maduro hafa verið end­ur­kjör­inn fyrir sitt þriðja tíma­bil sem for­seti lands­ins,“ sagði frétta­þulur BBC í fréttum sjón­varps­stöðv­ar­innar á mánu­dags­morgun.

Manuel var ekki hissa, jafn­vel þó að stjórn­ar­and­staðan – sem hefur hafnað því að Maduro hafi raun­veru­lega unnið kosn­ing­arnar og sakað hann um kosn­inga­svik – í land­inu væri sam­einaðri en aldrei fyrr. 

„Í Venes­ú­ela segjum við: Þú hendir ekki út ein­ræð­is­herra með atkvæða­greiðslu, það virkar ekki þannig,“ segir Manuel. Hann var sjálfur fyrir löngu búinn að missa trúna á land­inu sínu. 

Langvar­andi óða­verð­bólga í Venes­ú­ela gerir það að verkum að stór hluti þjóð­ar­innar á ekki fyrir …