Mat­væla­stofnun (MAST)hefur ráðið dýra­lækn­inn Egill Stein­gríms­son sem sviðs­stjóra til stofn­un­ar­innar. Þetta kemur fram í til­kynn­ingu frá MAST. Þetta ger­ist eftir að inn­a­húsá­tök komu upp um annan umsækj­anda, Þorleif Ágústs­son, sem greint hafði verið frá að fengið starfið.  Sviðs­stjóra­starfið felur meðal ann­ars í sér stjórnun á sviði lax­eldis í sjó­kvíum hér á landi.

Þegar til­kynnt var um ráðn­ingu Þorleifs á innri vef starfs­manna MAST sköp­uð­ust umræður um skrif hans um lax­eldi og vinnu ráð­gjafa­fyr­ir­tækis sem hann vann hjá fyrir sjó­kvía­eld­is­fyr­ir­tækin. Heim­ildin greindi frá þessum hrær­ingum innan MAST nú apríl. 

Þor­leifur sagði þá við Heim­ild­ina: „Umræðan verður að vera á þeim nótum að menn geti talað saman. Hvort sem þeir eru stang­veiði­menn eða ekki. [...] Menn spyrja mig? Ertu fylgj­andi eða á móti fisk­eldi? Ég er fylgj­andi því að hægt sé að gera hluti innan gild­andi laga og reglna. [...] Ég vinn við allan and­skot­ann en nið­ur­staðan verður að vera alltaf vís­inda­leg og ég er algjör­lega óháður í því. [...] Ég er fag­maður og fræði­maður og er ekki að leggja fólki orð í munn hvað því á að finn­ast. Ég er ekki frekar fylgj­andi lax­eldi frekar en ein­hverju öðru heldur vil ég bara að nátt­úran sé nýtt með réttum og það er gríð­ar­leg ábyrgð sem fylgir því."

„Leiðindamál" sagði forstjóri MAST

Í kjöl­farið gerð­ist það að Þor­leifur dró umsókn sína um starfið til baka og MAST hóf ráðn­ing­ar­ferlið aftur og réði svo þann umsækj­anda sem var í öðru sæti á eftir honum þegar Þor­leifur var ráð­inn. Egill hafði sagt við Heim­ild­ina að hann væri „von­svik­inn" með ákvörðun MAST og Hrönn Jör­unds­dóttir sagði við blaðið að um væri að ræða „leið­inda­mál fyrir alla". 

Ráðning Þorleifs vakti meðal ann­ars athygli innan MAST vegna þess að hann hefur unnið fyrir fyr­ir­tæki, Rorum, sem starfar meðal ann­ars fyrir lax­eld­is­fyr­ir­tækin í land­inu.  Þetta fyr­ir­tæki starfar til dæmis fyrir lax­eld­is­fyr­ir­tækið Arctic Fish á Ísafirði og sendi Húsnæðis- og mann­virkja­stofnun álit á máli sem varðar lax­eldi fyr­ir­tæk­is­ins við Sandeyri í Ísa­fjarð­ar­djúpi.

Hrönn sagði við Heim­ild­ina eftir að Þor­leifur hafði hætt við að þiggja starfið: „Ég hef ekki náð að setj­ast niður með minni yfir­stjórn til að meta hver næstu skref eru. En við munum þurfa að finna annan í starfið. Þetta er bara í ferli. [...] Þetta er að mínu mati bara inn­an­hús­mál. Þetta er búið að vera leið­inda­mál fyrir alla. Sér­stak­lega þegar verið er að ræða svona mál opin­ber­lega sem leiddi til þess að þetta endar svona.“