„Þetta er sann­ar­lega starfs­maður RÚV og okkur finnst þetta ótrú­lega leið­in­legt. Við hörmum þetta mjög,“ segir Heiðar Örn Sig­ur­finns­son, frétta­stjóri RÚV. 

Myndband úr örygg­is­mynda­vél hjá hús­eig­anda í Grinda­vík sem þurfti að yfir­gefa heim­ili sitt sýnir að ljós­mynd­ari RÚV reynir að kom­ast inn í læst húsið og virð­ist leita að lyklum í blóma­potti eftir að hann kemst að raun um að úti­dyrnar eru læstar. 

Hús­eig­and­inn deildi mynd­band­inu á Facebook fyrir um klukku­stund og hefur það vakið gríð­ar­lega athygli. Hún skrifar með færsl­unni: „Nú er ég reið þetta er ekki í lagi, frétta­menn hafa ekki leyfi til að fara inná heim­ilið mitt! RUV skammist ykkar, set inn mynd­band þið eigið að láta heim­ilin okkar vera í Grinda­vík­ur­bær. Grind­vík­ingar, kíkið á mynda­vél­arnar og sjáið hvort frétta­menn eru að reyna að kom­ast inn.“

Heiðar Örn segir þetta ekki dæmi um vinnu­brögð sem RÚV ástundi. „Við erum búin að yfir­fara vinnu­ferla, búin að tala við ljós­mynd­ara og búin að tala við hús­eig­anda og biðja hana afsök­unar.“

En hver ber ábyrgð?

„Við erum ekki búin að fara yfir það, allan fer­il­inn frá a til ö og ræða við alla. Við eigum eftir að fara betur yfir allt málið.“

Spurður hvaða áhrif þetta hafi fyrir RÚV segir Heiðar Örn: „Þetta er klár­lega álits­hnekkir.“

Uppfært klukkan. 16:08 með til­kynn­ingu sem Heiðar Örn sendi frá sér:

Starfs­maður RÚV sást í dag á örygg­is­mynda­vél reyna að kom­ast inn í yfir­gefið hús og leita að lyklum að læstum dyrum. Frétta­stofa RÚV harmar þetta atvik og biður íbúa húss­ins og alla Grind­vík­inga inni­legrar afsök­unar á því. Frétta­menn RÚV hafa kapp­kostað að fjalla um atburð­ina í Grinda­vík af virð­ingu fyrir íbúum og eigum þeirra, og vinnu­brögðin sem sjást á mynd­skeið­inu eru ekki í anda vinnu­reglna eða þess anda sem frétta­stofan starfar í. Við höfum rekið atvikið til mis­skiln­ings og óða­gots á vett­vangi, en munum í kjöl­farið fara yfir verk­ferla okkar og vinnu­reglur og brýna fyrir öllum þeim sem fara á vett­vang að virða einka­líf og eigur Grind­vík­inga, og valda þeim ekki meiri óþæg­indum eða sorg en þeir upp­lifa fyrir.