Veðurstofan segir „ólíklegt“ að gos hefjist undir hafsbotni utan Grindavíkur

Veð­ur­stofa Íslands segir að líkur á eld­gosi á næst­unni verði að telj­ast veru­legar, en þar eru sér­fræð­ingar nú að vinna úr þeim gögnum sem borist hafa í gær­kvöldi og í nótt.

Samkvæmt „allra fyrstu lík­an­reikn­ingum“ sem byggja á gervi­tungla­myndum frá því í gær­kvöldi, var dýpið niður á topp kviku­gangs­ins norðan Grinda­víkur áætlað um 1,5 kíló­metrar.

„Ólíklegt“ að kvika komi upp á hafsbotni

Veð­ur­stofan segir að sam­kvæmt GPS gögnum sé hraði aflög­un­ar­innar „marg­faldur á við það sem mælst hefur í umbrot­unum á Reykja­nesskaga“ og að út frá þeim mæl­ingum og gervi­tungla­myndum „virð­ist stærð kviku­gangs­ins og kvikuflæðið honum tengdum vera marg­falt á við það sem áður hefur mælst í umbrot­unum á Reykja­nesskaga síð­ustu ár.“

Mögu­leik­inn á sprengigosi á hafs­botni, sem væri allt ann­ars eðlis en hraun­gos á landi, hefur verið til umræðu eftir að ljóst þótti að kviku­gang­ur­inn væri búinn að teygja sig undir hafs­botn­inn. Veð­ur­stofan segir „ólík­legt“ að kvikan komi upp á hafs­botni.

„Þótt líkön bendi til þess að kviku­gang­ur­inn teygi sig út í sjó suður af Grinda­vík, þá er ólík­legt að kvika komi upp á hafs­botni, ef horft er til gossög­unnar á þessu svæði auk þess sem gliðnun þar er mun minni en við mið­bik sprung­unnar við Sund­hnjúka­gíga,“ segir í til­kynn­ingu Veð­ur­stof­unnar. 

Til­kynn­ing Veð­ur­stofu Íslands í heild sinni:

Um 800 skjálftar hafa mælst á umbrota­svæð­inu frá því á mið­nætti. Aðeins hefur dregið úr skjálfta­virkn­inni síð­ustu klukku­tím­ana, sem mælist þó ennþá mikil. Mesta skjálfta­virknin síð­ustu klukku­stund­irnar hefur verið við suð­vestur enda gangs­ins nærri Grinda­vík.

Verið er að vinna úr þeim gögnum sem borist hafa í gær­kvöldi og nótt. Mark­miðið er að átta sig betur á umfangi kviku­hreyf­ing­anna sem mælst hafa. Gögnin benda til þess að kviku­gang­ur­inn nái frá Stóra-Skógs­felli í norðri og suður fyrir Grinda­vík­urbæ út í sjó. Samkvæmt allra fyrstu lík­an­reikn­ingum, byggt á gervi­tungla­gögnum síðan í gær­kvöldi, var dýpi niður á topp kviku­gangs­ins norður af Grinda­vík áætlað um 1,5 km. Út frá nýj­ustu GPS gögnum er hraði aflög­un­ar­innar marg­faldur á við það sem mælst hefur í umbrot­unum á Reykja­nesskaga. Út frá þeim mæl­ingum og gervi­tungla­myndum virð­ist stærð kviku­gangs­ins og kvikuflæðið honum tengdum vera marg­falt á við það sem áður hefur mælst í umbrot­unum á Reykja­nesskaga síð­ustu ár. Þótt líkön bendi til þess að kviku­gang­ur­inn teygi sig út í sjó suður af Grinda­vík, þá er ólík­legt að kvika komi upp á hafs­botni, ef horft er til gossög­unnar á þessu svæði auk þess sem gliðnun þar er mun minni en við mið­bik sprung­unnar við Sund­hnjúka­gíga.

Vís­inda­menn funda reglu­lega til að túlka þau gögn sem aflað er. Búist er við nýjum aflög­un­ar­gögnum síðar í dag sem gefur skýr­ari mynd af þróun atburða­rás­ar­innar. Blaða­manna­fundur verður hald­inn í hús­næði almanna­varna kl. 12 í dag þar sem farið verður betur yfir stöðu mála og mögu­legar sviðs­myndir.

Líkur á eld­gosi á næst­unni verða að telj­ast veru­legar.