Mun ekki sakna illmælgi og hótana

„Þeir hafa nú bara verið ótrú­lega skemmti­legir,“ segir Helga Vala Helga­dóttir, þing­maður Sam­fylk­ing­ar­innar, um dag­ana sex sem liðnir eru frá því að hún greindi frá því í við­tali við Morg­un­blaðið að hún ætli að hætta á þingi eftir sex ára þing­setu. 

„Ég átti nú ekki von á svona góðum og hlýjum strokum eins og ég fékk á laug­ar­dag­inn. Ég bjóst alveg eins við því að ég fengi yfir mig ein­hverja hol­skeflu af nei­kvæðni. En ég bara vissi ekki að fólki þætti svona vænt um mín störf. Það kom þægi­lega á óvart hvað fólk var bara eitt­hvað fal­legt við mig,“ segir Helga Vala í sam­tali við Heim­ild­ina. 

Hún hafnar því að deilur við Kristrúnu Frosta­dóttur, sem tók við for­mennsku í Sam­fylk­ing­unni fyrir tæpu ári síðan, teng­ist brott­hvarfi hennar af þingi. „Það er svo leið­in­legt að þurfa alltaf að svara þessu, það er eins og það geti eng­inn hætt á þingi nema það búi ein­hver leið­indi á bak­við. Þing­störfin eru bæði mjög skemmti­leg en geta verið mjög skrýtin og alls konar.“ 

Ástleysi í stjórnarráðinu 

Síðasti þing­vetur var mattur að sögn Helgu Völu. „Mér fannst bara aðeins minna gaman, þar var lítil stemn­ing í þing­inu. Og í póli­tík­inni almennt. Það er svona ást­leysi í stjórn­ar­ráð­inu og það smit­ast yfir allt.“ 

Hún ætlar að helga sig lög­mennsku að nýju og halda áfram að elta draumana sína. Sakamál, sifja­mál og fjöl­skyldu­mál munu ein­kenna störf hennar á næst­unni. Ekki kemur til greina að vera tals­maður umsækj­enda um alþjóð­lega vernd. Ástæða þess er fyrst og fremst praktísk að sögn Helgu Völu. „Þegar maður er að byrja í rekstri þá þarf maður að passa að vera ekki of mikið að vinna pro bono en það eru örlög þeirra lög­manna sem starfa við þennan mála­flokk.“ Útlend­inga­málin eru henni samt sem áður áfram hug­leikin og hún hefur miklar áhyggjur af þeim anda sem ríkir hjá stjórn­völdum. „Það er verið að kljúfa sam­fé­lagið og umræðan er orðin miklu harð­skeytt­ari en hún hefur nokkru sinni verið. Áður fyrr var þetta kannski einn og einn þing­maður sem leyfði sér að tala með þessum hætti en núna heyrir maður fjöl­marga teikna upp þessa ofboðs­legu pólarís­er­ingu.“

Helga Vala vill sjá Sam­fylk­ing­una leggja áherslu á heil­brigð­is­mál á kom­andi þing­vetri. „Af því að heil­brigð­is­mál eru hjart­ans mál allra lands­manna, það finna allir fyrir því þegar heil­brigð­is­kerfið er svona van­rekið eins og það hefur verið í tíð núver­andi rík­is­stjórnar og rík­is­stjórna síð­ustu ára.“ 

Hótanir í garð fjölskyldu ekki notalegar

Þó svo að hún sé að segja skilið við þing­mennsk­una mun Helga Vala halda áfram að berj­ast fyrir ýmsum málum. Svo ætlar hún að halda áfram að hitta vin­ina sem hún hefur eign­ast í þing­inu og mun koma til með að sakna. „Ég hlakka til að hitta þau í frels­inu.“ 

En það eru líka hlutir sem hún mun ekki sakna. „Ákveð­innar ill­mælgi, auð­vitað erum við þjónar almenn­ings. En ég held að við ættum líka aðeins að hug­leiða hvað við leyfum okkur að segja um kjörna full­trúa og hvað við leyfum okkur að draga fjöl­skyldur kjör­inna full­trúa inn í póli­tík­ina. Það er kannski það sem ég mun sakna minnst. Fjöl­skylda mín á ekki að þurfa að fá yfir sig skít­inn vegna þess í hvaða vinnu ég er. Hótanir og annað. Það er ekk­ert sér­stak­lega nota­legt.“ 

Helga Vala úti­lokar ekki að snúa aftur á þing, seinna. „Lífið mitt er samt auð­vitað ótrú­legt ævin­týri þannig að ég ætla ekki að úti­loka neitt. Ég var ekki á leið­inni á þing 2017, það bar mjög brátt að. En þetta var auð­vitað ofsa­lega skemmti­legt og lær­dóms­ríkt þannig að ég sé ekki eftir einni mín­útu. Ég er bara heppin, ég er að gera eitt­hvað skemmti­legt. Lífið er gott.“